天氣真係好鬼熱，整咗個泰式無骨鳳爪，雪完幾個鐘，今晚有得食，無骨鳳爪好爽口，好正😊！材料：紫洋蔥， 蒜頭，乾蔥頭，青瓜，急凍無骨雞腳，檸檬半個，泰式雞醬，魚露，麻油，黃糖。 做法：1） 先將急凍雞腳解凍冲水洗乾淨，煲滾水加薑片，水滚後加洗淨的雞腳煮3-4分鐘左右，準備冰水，放滾好的雞腳在冰水𥚃浸至少30 分鐘，再瀝乾水份備用。 2） 紫洋蔥， 蒜頭，乾蔥頭洗淨後切絲，青瓜🥒洗淨後切薄片加少許鹽醃20 分鐘，再沖走鹽及用溫水過一次再瀝乾水份備用。 3）調味汁可以按個人喜好隨意加減泰式雞醬，魚露，麻油，半個檸檬汁及少許黃糖搞好，再倒入已放好青瓜，紫洋蔥， 蒜頭，乾蔥頭絲同無骨鳳爪，將醬汁均勻就可以，加少許芝蔴放入雪櫃雪4 個鐘就有得食架啦🤩。點擊圖片放大 +2 喜歡看我煮嘢食, 分享旅遊點滴，周圍食，我的手作,同分享周圍遊同好吃CAFE就Follow Me啦❤️我的手作IG: Handmade-with fun（@handmadewithfun）• Instagram 相片與影片個人網誌IG: JW_小生活_愛食_愛旅行（@jacko_dailylife）• Instagram 相片與影片個人網誌FB: Jw_小生活_愛食_愛旅行 | Facebook
