近排天氣暖返，想吃些涼拌小吃，屋企有包無骨鳳爪，又想吃辣辣地的小食，整咗個鮑魚汁麻辣無骨鳳爪，味道又唔錯喎，小小麻辣又有鮑魚汁味道😁。材料：1️⃣ 急凍無骨鳳爪 1磅半2️⃣ 花椒 遖量3️⃣ 蒜頭 5-6 粒4️⃣ 辣椒仔，5-6 隻5️⃣ 薑 適量調味料：1️⃣ 麻辣鮮露 1-2 湯匙2️⃣ 鮑魚汁 2-3 湯匙3️⃣ 滕椒油 1-2 湯匙4️⃣ 糖 少許5️⃣ 鹽 少許6️⃣ 玫瑰露洒 少許（可按個人喜好調節辣度） 做法：1️⃣ 將無骨鳳爪用清水解凍，擎乾水。2️⃣ 煲水，加少許鹽，薑片及花椒粒煲滾加無骨鳳爪，大火煮4-5 分鐘。 3️⃣ 熄火，先過冷河，擎水，快手將無骨鳳爪放入冰，蓋過無骨鳳爪再加水，冰鎮10 分鐘左右。 4️⃣ 蒜頭，去皮，沖洗乾淨，切碎。薑，切碎。辣椒，切碎備用。 5️⃣ 放2湯匙油落鑊，放花椒落鑊爆香，1分鐘後將花椒碎撈起。 6️⃣ 用已炒過的花椒油，開中慢火將蒜頭，辣椒，薑碎落鑊爆香，熄火，備用。 7️⃣ 將浸好冰水的鳳爪擎乾水及用廁放紙吸乾水，放入大碗或煲內，加入已炒過蒜頭，辣椒，薑碎，放調味料 - 鮑魚汁，滕椒油 ，麻辣鮮露，玫瑰露洒 ，鹽，糖，攪勻。點擊圖片放大 8️⃣ 放入雪櫃，雪2-3小時就搞掂，再攪勻，上碟。9️⃣ 上碟後可以加入已炒過白芝麻同麻油，味道更香。 喜歡看我煮嘢食, 分享旅遊趣事, 我的手作,同分享周圍遊同好吃CAFE就Follow Me啦❤️我的手作IG: Handmade-with fun（@handmadewithfun）• Instagram 相片與影片個人網誌IG: JW_小生活_愛食_愛旅行（@jacko_dailylife）• Instagram 相片與影片個人網誌FB: Jw_小生活_愛食_愛旅行 | Facebook
