早幾日係果爛買咗新鮮日本百合，見天氣乾乾地，用嚟煲個糖水滋潤吓，腐竹白果鮮白合薏米糖水 - 口感香滑又滋潤，一家大小都啱飲的糖水。材料：1️⃣ 乾腐皮碎 半包 2️⃣ 白果 適量3️⃣ 新鮮百合 1 個4️⃣ 紅薏米 適量5️⃣ 冰糖 100g6️⃣ 雞蛋4 隻 （optional)7️⃣ 水 2500ml 做法：1️⃣ 紅薏米清洗後浸30 - 45 分鐘再沖水備用。2️⃣ 白果用刀背拍下去殼，再去白果蕊，可以用小刀切開或用牙籤從底部向上拮就可以去白果蕊，再用滾水浸一至兩分鐘，容易去除白果衣備用。 3️⃣ 新鮮百合切開再清洗備用。4️⃣ 原隻雞蛋煮熟去殼，備用。5️⃣ 水煮滾好，先放入白果同紅薏米加蓋煮15分鐘。 6️⃣ 再加入已經切開新鮮百合煮20 分鐘。 7️⃣ 乾腐皮碎清洗後瀝乾後先放3/4 份量，再攪勻，煲15 分鐘。 8️⃣ 15分鐘後，放入餘下 1/4 份量同冰糖，煮4-5 分鐘，冰糖完全溶化就搞掂。點擊圖片放大 9️⃣食用時，可以配上原隻雞蛋味道更佳。如果大家喜歡全部好似豆槳咁糖水就可以一次過放哂腐竹碎，我分開放就可以吃到有腐皮碎的白果鮮白合薏米糖水，按個人喜好去煮就可以。小分享：我係大埔樹記買的腐皮碎，$22 一包真係好正，煲出嚟又香又滑😋。 歡迎合作試食及邀稿，更多分享：喜歡看我煮嘢食, 分享旅遊趣事, 我的手作,同分享周圍遊同好吃CAFE就Follow Me啦❤️我的手作IG: Handmade-with fun（@handmadewithfun）• Instagram 相片與影片個人網誌IG: JW_小生活_愛食_愛旅行（@jacko_dailylife）• Instagram 相片與影片個人網誌FB: Jw_小生活_愛食_愛旅行 | Facebook
