一般醃製食品多數都係高鹽,高糖,含添加劑,會覺得對健康無益,今日同大家分享自家製簡單的發酵酸椰菜同紅蘿蔔絲,充滿益生菌、酵素,基本材料有紫椰菜或白椰菜同鹽,想顏色靚D加埋紅蘿蔔🥕就很美,簡單易做!傳統德國酸菜是天然發酵而成,活躍的乳酸菌令椰菜產生微酸的風味,保存得宜可以食用數個月。天然發酵食物大多含有益生菌,很多研究指出長期適量進食酸菜,對保護腸道及改善潰瘍問題都有很大幫助,亦有助提升免疫力,幫助身體排毒、控制體重,並可減少炎症及敏感症發作.這個酸椰菜可以配搭德國鹹豬手或其他肉類伴食,可以減低肉食肥膩感。做法簡單,大家不妨試下材料: 1️⃣ 紫椰菜 3/4 個2️⃣ 白椰菜 1/2 個3️⃣ 紅蘿蔔🥕 兩條4️⃣ 粉紅岩鹽 少許 (其他岩鹽都可以)(岩鹽比例: 1000 g 約15 g 岩鹽) 做法:1️⃣ 先將紫同白椰菜外皮去掉,切絲備用,留下一兩片清洗備用.2️⃣ 紅蘿蔔🥕去皮, 清洗抹乾後刨絲備用. 3️⃣ 白椰菜同紅蘿蔔絲放入大碗用電子磅量一量重量,653 g 材料就大約加粉紅岩鹽10g 再撈勻,用手輕撈勻再靜待25-30分鐘出水. 4️⃣ 紫椰菜絲一樣放入大碗用,一樣用電子磅量一量重量,536g 材料放大約加粉紅岩鹽8g 再撈勻,用手輕撈勻再靜待25-30 分鐘出水.點擊圖片放大 5️⃣ 25-30 分鐘後見己出水同見椰菜絲同紅蘿蔔絲變軟身,再用手擠乾椰菜絲同紅蘿蔔絲放入乾淨玻璃瓶,壓實,最後放兩三片椰菜蓋著,把產生的湯汁倒入玻璃瓶,約高於菜絲3/4至1吋左右,不夠湯汁可加少許飲用水,加入小樽或硬蓋好玻璃瓶,把瓶放在一個盤上.點擊圖片放大 +3 放在陰涼地方發酵兩三天,會看到一些氣泡,表示正在發酵,久不久把蓋打開散散氣,水會漏出來,之後關好蓋,大約三至四天左右就完成,打開蓋時冇氣同水漏出水就搞掂,我整的第三天就搞掂,之後拿返小樽或硬蓋同兩三片椰菜出來,再放入雪柜繼續讓它發酵及儲存可以慢慢享用。點擊圖片放大 +4 發酵過程會令味道慢慢變酸,醃酸椰菜用來伴肉伴麵、做涼拌菜都很爽口,我今日lunch配醬汁焗雞扒,番茄🍅同翠肉瓜一齊食perfect match😋.點擊圖片放大 💡小貼士:玻璃瓶用沸水煲煮消毒後自然風乾或用焗爐100°C低溫烘乾。喜歡看我煮嘢食, 分享旅遊趣事, 我的手作,同分享周圍遊同好吃CAFE就Follow Me啦❤️我的手作IG: Handmade-with fun(@handmadewithfun)• Instagram 相片與影片個人網誌IG: JW_小生活_愛食_愛旅行(@jacko_dailylife)• Instagram 相片與影片個人網誌FB: Jw_小生活_愛食_愛旅行 | Facebook#酸椰菜絲 #天然發酵 #傳統酸椰菜絲 #涼拌小吃 #自家製 #德國酸椰菜#低碳小食