早兩經過菜檔見有子薑買，重好抵買$18 兩份，幾靚同新鮮，買咗兩份整醃子薑，醃子薑加了話梅肉會冇咁酸架，用嚟炒餸又得，夾皮蛋酸薑又得。昨晚整，今日早再看已經變了粉紅色子薑幾成功，巧正，而家天氣咁熱又濕又成日下雨，食下酸野醒胃D。材料：子薑 適量白醋 500 ml冰糖 250 g to 300 g (視乎個人甜酸度）辣椒🌶️仔 四至五隻 （不喜歡辣可以不用加）話妹肉 四至五粒 做法：1️⃣ 子薑清洗乾淨，刨皮，切片，我就會切厚身少少🤏,醃出來比較爽身。2️⃣ 辣椒仔去頭同話妹乾清洗後備用。3️⃣ 加入四至五匙鹽均勻，醃製兩個小時左右，中間時間可以撈下去，目的讓鹽減少薑辣味道同出水。 4️⃣ 兩個小時後，子薑用冷白開水沖洗多餘的鹽分，瀝乾水份備用。 5️⃣ 白醋加冰糖煮至冰糖溶解，微溫備用。6️⃣ 把薑片，辣椒仔同話妹肉，放入玻璃樽，倒入醋糖水，放入雪櫃雪兩三天已經完成，想味道更佳雪一星期，整了一樽慢慢嘆。 💡小貼士1️⃣ 玻璃樽用滾水煮4-5 分鐘，再抹乾冇水氣。2️⃣ 用微溫已煮好的白醋糖水加入子薑好大機會整個pink pink 子薑。 喜歡看我煮嘢食, 分享旅遊趣事, 我的手作,同分享周圍遊同好吃CAFE就Follow Me啦❤️我的手作IG: Handmade-with fun（@handmadewithfun）• Instagram 相片與影片個人網誌IG: JW_小生活_愛食_愛旅行（@jacko_dailylife）• Instagram 相片與影片個人網誌FB: Jw_小生活_愛食_愛旅行 | Facebook
