想keep fit 又想食意大利粉，但又唔想咁多澱粉質，買咗包蒟蒻意大利麵，又幾好食喎，我mix 咗日本菇菇，粟米🌽粒，帶子同🦐再加白松露醬煮好鬼香，掂呀！乾蒟蒻意粉好食過即食浸水的蒟蒻意粉，冇怪怪的味道，幾似真意大利麵，大家可以試試。材料：1️⃣ 蒟蒻意大利麵2️⃣ 日本菇菇3️⃣ 急凍帶子 五至六粒4️⃣ 急凍蝦 五至六隻5️⃣ 粟米🌽粒 適量6️⃣ 白松露醬 適量7️⃣ 蒜片同葱頭片 適量 做法：1️⃣ 日本菇菇同粟米洗淨瀝乾水備用，蒜頭同葱頭去皮洗淨切片備用。2️⃣ 急凍帶子及蝦解凍後吸乾水，用鹽及黑胡椒粒粒醃15分鐘左右。 3️⃣ 煲滾水放蒟蒻麵煮6至7分鐘，見已轉軟身就可以沖水備用。 4️⃣ 下油，先放一半蒜片同葱頭片爆香，再放帶子及蝦煎香，八至九成熟已經可以夾起。 5️⃣ 加少許油及放餘下一半蒜片同葱頭片爆香加日本菇菇同粟米粒粒炒熟，因菇會出水可以先夾起。 6️⃣ 加蒟蒻麵先炒一炒再加白松露醬炒混，最後放帶子，蝦，日本菇菇同粟米粒粒再炒少許鹽及黑胡椒碎碎就搞掂。點擊圖片放大 喜歡看我煮嘢食, 分享旅遊趣事, 我的手作,同分享周圍遊同好吃CAFE就Follow Me啦❤️我的手作:IG@handmadewithfun個人網誌:IG@ jacko_dailylife#蒟蒻麵 #蒟蒻麵料理 #蒟蒻麵的100種變化 #蒟蒻麵係減肥恩物 #蒟蒻麵100食 #蒟蒻麵食譜 #蒟蒻麵🍜 #蒟蒻麵條低卡健康 #蒟蒻麵代替意粉 #蒟蒻麵減肥 #偽意粉
