買咗本地節瓜，煮咩好，又想飲湯，而家新鮮豬肉好似唔平，又唔想入街市，用咗日月魚同螺片再加些合桃，腰果，淮山，百合煲個靚湯飲下，好夠味道，冇肉一樣咁鮮甜。日月魚係好物，聽說可調節人體代謝平衡，養眼明目，最啱而家成日WFH 的朋友，因為成日對住部電腦同電話致眼睛勞累的人，加入螺片更令湯多一份鮮甜。材料：1️⃣節瓜 2 個2️⃣日月魚 適量3️⃣ 螺片 適量4️⃣ 合桃，腰果，百合 適量5️⃣ 椰棗 8-9 粒6️⃣ 果皮兩片7️⃣ 准山 適量 製作步驟：1️⃣ 日月魚及螺片用熱水浸一浸，螺片至軟身及清洗乾淨備用。2️⃣ 節瓜剝皮切件，洗乾淨備用。3️⃣ 合桃，腰果，百合，椰棗，果皮及淮山用清水浸一浸，清洗乾淨備用。4️⃣ 煲滾水，將所有材料放入大煲，大火煲滾後，轉用小中火煲大約兩小時就可以飲，我冇加鹽已經夠味。烹飪難易度（1為較易 - 5為較難）：1烹飪時間： 120 分鐘準備時間： 15 分鐘 喜歡看我煮嘢食, 分享旅遊趣事, 我的手作,同分享周圍遊同好吃CAFE就Follow Me啦❤️我的手作:IG@handmadewithfun個人網誌:IG@ jacko_dailylife
