食完早兩日買的方包,尼兩日冇落街買麵包,屋企有麵包粉,最叻的我,上次一田大減價入咗兩包日本高筋麵粉,而家可能買唔到 🤣😆,用嚟整咗English Muffin, 又唔係好難整,冇氣炸鍋同焗爐都整到,用煎Pan 就搞掂,通常人整用黃粟米粉整,不過屋企冇,用咗全麥粉又得喎,好鬆軟,再配我至愛的洋蔥牛油果醬,牛油果花花,煎隻蘭蛋已經好好食😋。 材料:1️⃣ 高筋麵粉 250g2️⃣ 雞蛋 1 隻3️⃣ 鹽 5g4️⃣ 糖 4g5️⃣ 酵母粉 5g6️⃣ 水 150g7️⃣ 全麥粉 適量 (黃玉米粉又得)8️⃣ 橄欖油 適量 製作步驟:1️⃣ 先將 高筋麵粉,鹽,糖,酵母粉材料均勻,加雞蛋一隻攪勻,分兩三次加入水,攪拌至冇粉粒,再用手搓一搓至粉團狀。點擊圖片放大 +2 2️⃣加少許橄欖油在粉團上,搓至滑身放入大碗或煲內加蓋或保鮮紙,在室溫發酵50分鐘。點擊圖片放大 3️⃣取出粉團排氣分成六份,加用少許麵粉搓圓,室溫發酵10分鐘 (加布蓋上)。點擊圖片放大 4️⃣10 分鐘後,排氣及用刮刀壓走麵團氣泡,再滾圓,兩邊加少許全麥粉略按平,放室溫發酵30分鐘 (加布蓋上)。 5️⃣30 分鐘後,己經發酵好,煎Pan開小火加少許全麥粉,放上已發好粉團,加上蓋,焗5至6分鐘,再反轉加蓋焗5至6分鐘,煎到兩面淡啡色就搞掂。點擊圖片放大 烹飪難易度(1為較易 - 5為較難):2烹飪時間: 10-12 分鐘準備時間: 90-100 分鐘 小貼士:用煎pan煎時,記得用小火,不用心急就可以煎到靚靚又鬆軟的English Muffin,同埋每個爐具火溫度不一樣,要注意及煎到兩面淡啡色就可以,時間自己再微調。 喜歡看我煮嘢食, 分享旅遊趣事, 我的手作,同分享周圍遊同好吃CAFE就Follow Me啦❤️我的手作:IG@handmadewithfun個人網誌:IG@ jacko_dailylife點擊圖片放大