昨日整咗好容易整芋絲餅，全部材料撈埋就搞掂，新手都可以整到，無難度，重點易整又好食😋，蒸完之後氣炸又得，煎又得，按個人喜好，我就氣炸，不用太多油，勁方便😬。材料：芋頭 600g (剝皮後）蝦米 20-25g臘腸 2 條乾瑤柱 7-8 粒粘米粉 60g粟粉 （生粉） 20g調味料：五香粉 2g胡椒粉 2g 鹽 少許做法：1️⃣將乾瑤柱，蝦米，臘腸洗淨放入熱水浸軟。2️⃣浸軟後將乾瑤柱，蝦米瀝乾，乾瑤柱搣絲，臘腸洗淨切粒備用。3️⃣將芋頭洗淨刨絲備用。 4️⃣下油將乾瑤柱、蝦米、臘腸同炒香備用。5️⃣芋頭絲加入五香粉胡椒粉同鹽混均，加入已炒好乾瑤柱絲，蝦米、臘腸同櫻花蝦再混均，最後加粘米粉同粟粉用手攪拌及撈一撈。點擊圖片放大 6️⃣將已混好材料放入蒸盤內，用匙羹舖好壓平。點擊圖片放大 7️⃣明火水滾後，以中火隔水蒸30至35分鐘左右（視乎厚度自己再調節時間） 8️⃣蒸好後放涼切件。 9️⃣放入氣炸鍋噴少許油先以180度5分鐘氣炸 ，再返另外一邊，噴少許油，再用180度5分鐘氣炸就搞掂，或用平底鑊煎香兩邊便可食用😋。 每人各口味各有不同，大家可按照自己的需求再調配口味呢 ！ 喜歡看我煮嘢食, 分享旅遊趣事, 我的手作,同分享周圍遊同好吃CAFE就Follow Me啦❤️我的手作:IG@handmadewithfun個人網誌:IG@ jacko_dailylife
