又到新年，整咗五香樱花蝦芋蝦，食完笑哈哈😄，市面買都幾貴，不過人手整，心機嘢都明白嘅，自己整就平好多，我買咗兩個芋頭$45 ，先整咗一個，都整咗30 個芋蝦，一路炸一路偷食😂🤣。材料：芋頭 500 g (大約半個剝皮後）糯米粉 15 -20 g鹽 少許 1-2 g五香粉適量 10-15 g白芝麻 15-20 g 櫻花蝦 適量 做法：1）將芋頭去皮，冼凈後抹乾，刨絲或切絲，建議先整刨或切絲半個芋頭，再刨或切絲整另外半個芋頭就唔怕芋蝦太軟同黏在一起。 2) 將整好芋絲， 放入調味料攪拌均勻，有少少軟身就可以炸。 3）燒熱油鍋直至用🥢子插下時冒氣泡，轉中小火。（溫度大約130度左右炸就good )4）先試吓一條芋絲在油鍋看有冇小氣泡，有就可以將適量芋絲扭成球狀，放入打邊爐隔篩，兩邊夾好再放入油鑊炸，不要壓，炸到一面定型，用筷子輕手同慢慢地將一邊離罩，再反轉再炸，另一邊定型後，很容易就會離罩，炸至金黃色同無氣泡就可以撈起。點擊圖片放大 5）準備廚房紙在盤上，將已炸好芋蝦放上，吸油瀝乾同放涼後就可以即食同放入樽慢慢嘆。 炸芋蝦小貼士：1）要用小火至中小火，最多只能中小火，溫度130 度左右，慢慢一個一個炸，不能心急。2）剝芋絲越長越好，不要太短同太碎。3）如果發現中途己調味芋絲有點濕或黏，可以加少許糯米粉撈一撈。4）整芋蝦波時不要壓同鬆身點，用扭芋絲方去會炸得靚D。5）記得用廚房紙隔油瀝乾，如果唔趕時間可以用廚房紙瀝乾兩次，等油份去走。加了樱花蝦的芋🦐更香更好味😋，比原味更正，大家有興趣可以放假試吓整。喜歡看我煮嘢食, 分享旅遊趣事, 我的手作,同分享周圍遊同好吃CAFE就Follow Me啦❤️我的手作:IG@handmadewithfun個人網誌:IG@ jacko_dailylife
