早兩日見朋友食Omakase 幾正咁，星期六又剛巧去銅鑼灣就想去試下食lunch ，剛好又比我book 到位去試試，同朋友都揀了12 件廚師發辦，有驚喜😍，最like 千葉縣縞海老同根室赤海膽，真係巧鮮甜，好鬼正，重有水八爪魚同吸盤 - 好鮮甜同吸盤好爽好正, 赤貝同金目鯛都好出色，小食炸沙甸魚乾，脆卜卜好得，加上鄧師傅講解食材好好，又同客人分享交流一些日本人食野table manner ，有講有笑，食得好開心🥳，所以去幫襯記得要約壽司吧檯。呢間Omakase 寿々乃 Suzuno 位於銅鑼灣Sogo 附近，非常方便，午餐Omakase分$680 及$980，另收加一，$680餐主打壽司，$980就有刺身同壽司就少啲，午餐只做一輪，壽司吧檯大約有9-10個位，當日點了$680餐，餐單如下：前菜：1）水菜蕃茄沙律配炸紫蕃薯片2）木魚湯蒸腐皮卷 - 腐皮卷好滑3）茶碗蒸 - 有蝦同日式魚蛋，蛋蛋好滑，正點擊圖片放大 +2 壽司1）和歌山真羽太 - 鄧師傅話真羽太係石斑魚的朋友，通常俗稱石斑。2）天草縞鰺 - 深海池魚王，爽口又肥美、魚味濃郁。3）金目鯛 - 幾重魚味，個人幾like。4）關鯖 - 新鮮5）水八爪魚🐙同吸盤 - 好鮮甜同吸盤好爽好正。點擊圖片放大 +4 小食:炸沙甸魚乾 - 脆卜卜，又香魚仔味道，好like ，送洒一流 。 6）千葉縞海老 - 真係好鬼正，三粒海老好鮮蝦味 。7）赤貝 - 一個字正。點擊圖片放大 小食：炸富山白蝦：炸富山白蝦，鄧師傅說富山縣名物，非常酥脆又有有蝦味。 8）中吞拿魚 - 鮮味。9）拖羅 - 用咗鹽去提升鮮味同減輕油份，好味又肥美。10) 吞拿魚醬油漬 - 外表深紅色好有光澤，很滑、魚味非常濃郁。11）鬼海老加蝦膏/白子 - 我就吃好鮮甜蝦肉再加上鬼蝦蝦膏，朋友食白子話唔腥，幾得意。12）北海道根室赤海膽手卷 - 個赤海膽手卷真係好鬼正。點擊圖片放大 +4 椀物：鰹魚湯烏冬：手打烏冬，加上鰹魚湯，唔錯。 重有橙汁或咖啡☕️，忘記影相，無乜特別。後記：第一次食寿々乃，鄧師傅一開始就問你有什麼唔食，之後就由佢安排廚師發辦，魚料及貝類新鮮好味，壽司有次序及跟據味道由淺入深，食到第11個壽司，鄧師傅再問食唔食內臟，我就話不吃，因為佢話諗住整一個特別魚內臟，鄧師傅細心再問多次，原來鄧師傅想整白子壽司，因為我唔食內臟，所以鄧師傅整鬼海老加蝦膏給我，好貼心，如果有甜品或日本生果更加完美， $680 加10 % 性價比高，抵食🤤。寿々乃 Syzuno銅鑼灣軒尼詩道525號澳門逸園中心7樓Tel:23770228網址: https://s.openrice.com/QrbS0MT4900~uhRAEAA （open rice 可以book 位）
