氣炸日式蒜鹽黑椒串燒雞柳同雞蕊去日本旅行最喜歡在當地吃串燒。而家冇得去日本旅行，好掛念，在日式百貨店Aeon 買了兩包雞柳串同一包雞蕊串，價錢又抵，$70 有三包，很乾淨，沖洗後，就可以用嚟醃 ，用了三種簡單材料醃製，就可以用氣炸鍋烤到美味蒜鹽黑椒串燒雞柳同雞蕊。材料：雞柳串同雞蕊串 各一包蒜鹽 適量黑椒碎 適量岩鹽 適量點擊圖片放大 做法：1）先將雞柳串同雞蕊串解凍，沖洗後，加少許鹽放入大碗內，再加水同雞柳串同雞蕊串，浸15 分鐘後再沖洗乾淨再瀝乾，同用廚房紙吸乾水份。2）已吸乾水份的雞柳串同雞蕊串，再加適量蒜鹽，黑椒碎 ，岩鹽兩邊都有，因應個人喜好，不用太多，放入雪櫃醃至少兩小時至三小時就可以拿去氣炸鍋焗。3）將已經醃好雞柳串同雞蕊串，放入氣炸鍋，先用180 度焗五分鐘，再翻另一面，再用180 焗四分鐘就搞掂。 熱辣辣地道風味日式蒜鹽黑椒串燒雞柳串同雞蕊串就出爐，重口味的你可以加七味粉，我個人覺得已經夠味道，用嚟當宵夜或當小食都唔錯，重點簡單容易整又方便，啱哂懶人同為食的你去試吓整。今個weekend 快點去Aeon 超市掃貨😀。喜歡看我煮嘢食, 分享旅遊趣事, 我的手作,同分享周圍遊同好吃CAFE就Follow Me啦❤️我的手作:IG@handmadewithfun 個人網誌:IG@ jacko_dailylife
