今日去咗試吓以「小王子🤴與玫瑰🌹的星空」為主題的下午茶 ，有靚靚茶點之外，每人送一隻限量版小王子🤴雙層玻璃杯，真心覺得好靚同幾抵，小王子🤴迷必like （小王子玻璃杯禮品數量有限，送完即止) 「小王子🤴與玫瑰🌹的星空」為主題包括9款鹹甜點及2杯咖啡/茶 ☕️☕️，$528 （兩位）加一，想下午茶再升級，可以選擇加$68 可以品嚐以星空主題的Latte或粉紅雞尾酒🍹一杯。 茶有六款味道可以選擇，幾特別的包裝，茶味都算濃👍👍。 食物方面有英式鬆餅配凝脂忌廉同士多啤梨玫瑰果醬，味道唔錯幾好食😋。 鹹點個人覺得整體都好食過甜點，有星星造型的烤肉批、迷你龍蝦煙肉漢堡、莎樂美腸同香煎小米糕，最喜歡香炸薯絲蝦🍤🍤。 甜點有呃靚B612 星球蛋糕棒棒糖，呢個麻麻地，星空雲尼拿杯子蛋糕，雲尼拿 cream 偏甜，我淺嚐，玫瑰與黑朱古力慕絲杯同月光芒果吉士泡芙🥭🥭有少許驚喜。 我都係第一次去AMMO，近Concord 洒店附近，行過去兩三分鐘左右, 環境唔係好大，但環境有點森林Feel，坐位位置寬躺，坐得舒服，我哋坐窗邊，今日天氣好好，有自然光一流，影相份外美，在這靚靚環境歎下午茶☕️幾chill 下。 溫馨提示：記得打電話去book 位 供應時間： 15:00-18:00 時段一：15:00至16:30 時段二: 16:30至18:00 供應日期：2021年7月23日至9月22日 地址：香港金鐘正義道 9 號亞洲協會香港中心 電話：2537 9888 點擊圖片放大 +7
