買咗日本出產的無激素雞胸，又買咗山葵鹽，搞搞新意思，用嚟整咗慢煮雞胸肉，冇慢煮棒用普通煲都可以整到滑滑慢煮雞胸架！ 今次教大家整兩種味道。檸檬山葵鹽黑椒牛油味同蒜蓉黑椒岩鹽薑黃味，看下大家喜歡什麼味道，蒜蓉黑椒岩鹽薑黃味比較香濃😊。檸檬山葵鹽黑椒牛油味材料：檸檬 四五片山葵鹽 適量黑胡椒碎 適量牛油 兩片牛油果🥑/欖欖油 適量蒜蓉黑椒岩鹽薑黃味材料：岩鹽 適量黑胡椒碎 適量蒜蓉 適量薑黃粉 適量牛油果🥑/欖欖油 適量檸檬山葵鹽黑椒牛油味做法：1）將急凍雞胸解凍後冲水，再放少許鹽加清水浸雞胸20分鐘左右去雪味，之後再冲水去皮抹乾。2）將山葵鹽、黑胡椒碎及牛油果/橄欖油塗在雞胸兩邊，榨四至五片檸檬汁，再放入密實袋再放入牛油兩片，封口留小吼。3）用一盆水，將密實袋放下，在水中慢慢壓氣，再封埋小口。（如有抽真空機可以直接抽真空封口）4）煲滾水，如果大家有溫度計等水溫度大約70度就可以放袋雞胸在煲內慢煮50分鐘左右就搞掂，我冇溫度計我就煮滾水後熄火等15分鐘左右，等佢降溫，先放袋雞胸在煲內慢煮50分鐘一樣無問題。5）浸咗50分鐘已經熟了，拿出來已經好juicy ，我再加少許冰放袋雞胸浸十五分鐘左右就可以。點擊圖片放大 +7 蒜蓉黑椒岩鹽薑黃味做法：1）將急凍雞胸解凍後冲水，再放少許鹽加清水浸雞胸20分鐘左右去雪味，之後再冲水去皮抹乾。2）蒜蓉、黑胡椒碎、岩鹽、薑黃及牛油果/橄欖油塗在雞胸兩邊，再放入密實袋，封口留小吼。3）用一盆水，將密實袋放下，在水中慢慢壓氣，再封埋小口。（如有抽真空機可以直接抽真空封口）4）煲滾水，如果大家有溫度計等水溫度大約70度就可以放袋雞胸在煲內慢煮50分鐘左右就搞掂，我冇溫度計我就煮滾水後熄火等15分鐘左右，等佢降溫，先放袋雞胸在煲內慢煮50分鐘一樣無問題。5）浸咗50分鐘已經熟了，拿出來已經好juicy ，我再加少許冰放袋雞胸浸十五分鐘左右就可以食。點擊圖片放大 +3 切出嚟已經好滑，我加埋沙律菜同車梨茄一齊食，已經好正！
