減醣或減肥的朋友又想食飯的感覺，但又唔想咁罪惡感，可以試吓炒偽炒飯，全部都係蔬菜，零澱粉質，椰菜花係主角，再加自己喜歡的蔬菜切粒粒，真係好似炒飯，加了薑黃同咖喱粉一齊炒味道好正😋。材料：1）薑 2）橙紅椒3）椰菜花4）車厘茄5）粟米🌽6）洋蔥🧅7）蘑菇8）雞蛋一隻調味料：薑黃粉 咖喱粉做法：1）將薑，橙紅椒，車厘茄，蘑菇、洋蔥洗淨後切粒粒，粟米洗淨備用，椰菜花洗淨後可以放入攪拌機攪碎或自己用手搣或切粒粒。2）開鑊後，先放油，先放薑及洋蔥粒粒先炒一炒，再放椰菜花粒粒炒一陣，加薑黃粉炒混。3) 加粟米粒粒炒大約4-5分鐘，放橙黃椒粒粒炒一炒，再加蘑菇粒粒粒及咖喱粉再炒4-5分鐘，最後放車厘茄粒粒及雞蛋炒混就可以食得。小貼士: 椰菜花用手搣再切莖部粒粒最好食點擊圖片放大 +7
