醃酸大根(蘿蔔)上次整秘製子薑,今次整醃酸日本大根(即是蘿蔔),同上一次做法差唔多,酸酸甜甜,醒胃又好吃😋,用嚟嚟做前菜真係無得頂,有興趣的朋友可以整一樽慢慢嘆下。材料:大根/蘿蔔 (我買咗日本產地)一條白醋 500 ml冰糖 250 g to 300 g (視乎個人甜酸度)話妹肉 三至四片辣椒🌶️仔 四至五隻 (不喜歡辣可以不用加)做法:1)蘿蔔清洗乾淨,刨皮,切片,我會切厚身少少,醃出來比較爽身。2)話妹乾清洗後備用3)加入四至五匙鹽醃製兩個小時左右,目的是讓鹽減少苦澀味道同讓蘿蔔出水。4)兩個小時後,蘿蔔用冷白開水沖洗多餘的鹽分,瀝乾水份備用。5)白醋加冰糖煮至冰糖溶解,攤凍,放入雪櫃雪凍更好。6)把蘿蔔片,話妹肉,辣椒仔(如喜歡辣的朋友) 放入玻璃樽,倒入攤凍/已雪凍的醋糖水,放入雪櫃雪兩三天已經完成,想味道更好雪一星期,更加好味😋,整一樽可以慢慢嘆。小貼士:玻璃樽用滾水煮4-5 分鐘,再抹乾冇水氣。點擊圖片放大 +5