放假第一天去了坪洲行下,又唔算好多人,相比長洲,南丫島,搭11點普通船,入到去咗有間靚靚以白色小屋設計Cafe - Island Table Grocer Cafe 打下卡同食嘢,排咗十分鐘左右就有位,真好彩,cafe 主打coffee 同手工製酥餅,pizza 等等,我就order 了手工製雜菜豬肉酥, 坪洲至尊pizza 同楓蜜核桃酥同檸檬特飲,真係好正 ,個pizza 皮薄又脆,熱辣辣食真係不得了,楓蜜核桃酥好好食😋,推介大家可以去試吓,cafe 一角還有出售不少不同國家的餅,醋,意粉等等。Island Table Grocer Cafe坪洲坪洲永興街9C號地舖 在cafe 行前少少有間叫Anoy 麵包店,很有懷舊小店feel ,全部麵包都是自家製,推介南乳黑白芝麻🫓,真係好食😋,好香芝麻同好脆,有南乳黑白芝麻, 同白芝麻味道, 又大大塊,$4 一塊,抵呀,我買咗十片打包回家慢慢食,很喜歡呢間小餅店。Anoy 麵包鋪坪洲坪洲永興街11號地舖 食完飽飽行吓牛皮廠,永安街,手指山,沙灘,影下相同陽光☀️玩遊戲,冇得去旅行,去吓小島行下都唔錯。點擊圖片放大 +16