椰汁芒果🥭糯米糍整完糕有糯米粉，粘米粉，椰槳材料，整咗個椰汁芒果糯米糍嘆下：椰汁芒果糯米糍材料：糯米粉 110g + 40g 粘米粉 10g椰槳 160g 赤淳醇糖 30g （正常糖）（甜度可以接個人喜好自己調節）食用油 少許抄糯米粉做法：1）開鑊用小火炒糯米粉40 g ，炒至有微熱就可以(大約4-5 分鐘左右）椰汁芒果🥭糯米糍做法：1）用小火煮椰漿同赤淳醇糖 （正常糖）攪拌煮溶糖就可以，不用煮滾，備用。2）粘米粉加糯米粉攪勻，慢慢放入已煮好的椰漿，用順時針方向攪拌至無粉粒，再加入少許食用油攪均勻即可，再滑些可以過篩，3）倒入小盤，記得底盤掃少許油。4）水滾後，中火蒸12-15 分鐘左右，用牙籤插入粉團無黏粉槳就可以。5) 粉團蒸熟後，放入大碗，趁熱用筷子順時針快攪2 分鐘左右，之後放上保鮮紙上包好待涼備用。6）芒果去皮兩邊切肉，兩個芒果有四片大大芒果，備用。7）將已涼的粉團（1/4），放上一張大保鮮紙包好，再用木圓棒將粉團上下左右轆平均至可以放芒果的長度及大小，再放上芒果一片，慢慢用保鮮紙幫手或戴手套先將中間左右黏好，整好後灑上已炒好的糯米粉就可搞掂，當天食就最好食😋。以上材料可以整到四個大大個椰汁芒果糯米糍，又香又甜又好味😋！點擊圖片放大 +14
