【過年必學之選 - 樱花芋蝦 】今次同大家分享整炸樱花芋🦐，在市面買普通一包芋蝦好貴，有點唔捨得，不過重點係又唔知用咩油炸，自己整係多工夫一些，保證新鮮同食得放心，其實材料非常簡單，只係花點時間同功夫，我加咗樱花蝦整，又香又脆停唔到口，我整咗正常味同咖喱味，大家有興趣可以試吓整。正常味道材料：芋頭 500 g (大約半個剝皮後）糯米粉 15 -20 g鹽 少許胡椒粉 適量白芝麻 40-50g櫻花蝦 適量咖喱味道材料：芋頭 500 g (大約半個剝皮後)糯米粉 15 -20 g鹽 少許咖喱粉 適量白芝麻 40 - 50g 櫻花蝦 適量做法：1）將芋頭去皮，冼凈後，刨絲或切絲。2) 將整好芋頭絲， 放入調味料攪拌均勻，有少少軟身就可以炸。3）燒熱油鍋直至用🥢子插下時冒氣泡，轉小火，最多只能中小火。4）先試吓一條芋絲在油鍋看有冇小氣泡，有就可以將適量芋絲搓成球狀放入打邊爐隔篩再放入油鑊炸，不要壓，炸到一面定型，用筷子輕手同慢慢地離罩，再反轉再炸，炸至金黃色同無氣泡就可以撈起。5）準備廚房紙在盤上，將已炸好芋蝦放上，吸油瀝乾同放涼後就可以即食同放入樽慢慢嘆。炸芋蝦小貼士：1）要用小火，最多只能中小火，慢慢一個一個炸，不能心急。2）剝芋絲越長越好，不要太短同太碎。3）如果發現中途己調味芋絲有點濕或黏，可以加少許糯米粉撈一撈4）整芋蝦波時不要壓同鬆身點會炸得靚D。5）記得用廚房紙隔油瀝乾，如果唔趕時間可以用廚房紙瀝乾兩次，等油份去走。我今次買了兩個靚靚芋頭整，用了半個芋頭整咖喱味，其餘整原味道，加了樱花蝦，更香，兩種味道都好食😋。點擊圖片放大 +8
