而家白蘿蔔當造就買嚟煮餸，屋企有盒板豆腐就用整咗以豆腐做主角好食推介。《冬菇蝦米豬肉濃豆豆腐蒸蘿蔔》1）豬肉碎2）百福濃豆板豆腐一盒3）冬菇🍄 五隻4）雞蛋一隻5）🦐米適量6）白蘿蔔7) 杞子(適量)做法：1）將蝦米冬菇浸軟，洗淨後抹乾，切粒粒備用。（大家可以留返冬菇蝦米水用來煮菜都好味架）2）百福濃豆板豆腐，用廚房紙吸乾水備用。3）先將濃豆板豆腐用匙羹壓碎，加豬肉碎，蝦米冬菇粒，加鹽，糖，薑黃，豉油，麻油，一隻蛋及肇慶花雕酒少許攪勻同醃一醃，（流少少蛋液包雲吞用），再放入雪櫃雪至少三十分鐘。4）白蘿蔔㓟皮洗淨後，切大約3至3.5 cm厚度，用小刀從邊位𠝹幾刀，再用小匙羹刮一個小孔，不要刮穿底好似盅型，刮好後再用廚房紙吸乾水，備用。5）醃好咗的料（至少三十分鐘後）拎出來釀落在白蘿蔔上，之後再加上加杞子。6）水滾後，大火蒸20-25分鐘，再焗2-3分鐘就可以有得食啦。刮出嚟嘅蘿蔔蓉，唔好浪費，我會用整返佢滾個蘿蔔蓉湯再加蔬菜一齊食。我想分享下冬菇蝦米豬肉濃豆豆腐蒸蘿蔔，蒸完蘿蔔好甜，又有肉汁，好鬼正。點擊圖片放大 +9
