今日同大家介紹整冬陰公海鮮湯，而家冇得去泰國旅行，自己煮個冬陰公海鮮湯開心下，同埋如果大家冇乾冬陰公乾材料包可以唔用，去超市買多包冬陰功材料包（新鮮）煲就ok 啦，我屋企有乾材料，所以我用埋佢，自己喜歡濃味一點，海鮮同蔬菜喜歡加什麼材料都可以架。材料：冬陰功材料新鮮包冬陰功材料乾包蝦 （急凍🦐或新鮮🦐）適量帶子（急凍🦐或新鮮🦐）適量蕃茄 兩個粟米仔 六至七條菇🍄 適量魚露 適量做法：1） 分別將乾同新鮮冬陰功材料包洗乾淨，南薑切片，香茅切斷及拍一拍，蔥頭切片備用。2）如果是急凍蝦及帶子清洗後用鹽水浸30分鐘可以走些雪味，再沖冼，蝦去魚腸及除蝦頭蝦殼，可以留返放在湯裏煮一煮更加鮮味道。3）先將薑蔥頭同辣椒🌶️爆一爆鑊，之後加入香茅再加入蝦頭蝦殼炒一炒再放滾水煮三十分鐘，之後撈起蝦殼，焗一焗，再放番茄粟米仔菇菇煮一煮再加幾滴魚露，最後放蝦同帶子滾一滾就飲得，好香冬陰工味，飲完暖胃。點擊圖片放大 +6 （
