有冇朋友好似我咁減醣中,但又想食曲奇餅又唔想咁邪惡,於是就研究整過減醣曲奇餅🍪,我用了赤蘚糖醇 40g ,因為唔想太甜,大家可以隨個人喜好而調整份量,重點食完滿足下食曲奇的滋味。材料:冇鹽牛油 200g 赤蘚糖醇 40g 蛋黃三隻椰子粉 80g朱古力粉 12g雲呢拿味 4-5滴杏仁/合桃 適量做法:1)將室溫冇鹽牛油軟化用攪拌器攪至少許奶白色再加入赤藓糖醇再攪一攪。2)分三次加入蛋黃液,再用攪伴器攪一攪,加入椰子粉用膠刮攪至均勻,再加入朱古力粉再均勻就可以。3)最後加入切碎的杏仁及合桃,均勻就可以。4)保鮮紙放平,鋪上已搞好的粉團壓成長方條,放入雪櫃雪至少一個半鐘頭就可以切成厚度3-4 mm備用。5) 先預熱氣炸鍋175到10分鐘,將切好曲奇放入氣炸鍋用150度先焗10分鐘,再打開看一看及再反轉焗用150 度10分鐘就搞掂。啱啱出爐的時候是軟身,待涼後變硬身少少,之後可以放入玻璃樽慢慢吃。點擊圖片放大 +10