今日教大家整近排Hit 爆茜豬肉蝦燒賣，因為吃過外面買的爆茜魚肉燒賣，唔夠茜同用木薯粉豆粉來整真係麻麻地健康，所以自己整爆茜豬肉蝦燒賣，真係健康很多，只用了雞蛋同豆腐紙（又叫千張）用來整燒賣，無添加豆粉或木薯粉，所以減醣同keep fit 的朋友什麼時候都可以食架，兼有蛋白質，芫茜控fans 必要試吓自己整，真係好茜同好正 ！材料：1）豬肉碎2）蝦肉3）芫茜適量（喜歡爆茜的朋友可以加多啲）4）雞蛋一隻5）豆腐皮又叫千張（今次我用咗原味，大家可以試吓其他味道）做法：1）將蝦肉抹乾水，放入攪碎機攪碎，備用。2）將芫茜清冼後，用廚房紙吸走水份，放入攪拌機再攪碎，備用。3）將芫茜碎，蝦肉豬肉碎加鹽，糖，豉油，麻油，胡椒粉及一隻蛋攪勻（流少少蛋液包燒賣用）放入雪櫃雪至少一個鐘。5）豆腐紙，將對接剪開，在每邊分三分，一張豆腐紙可以剪到六小張。6）留少許雞蛋液用來包燒賣邊以防爆口7）醃好咗的料，拎出來包燒賣，在豆腐紙上加少少雞蛋液以防爆邊。8）掂晒之後，蒸大約10-12分鐘左右就可以食。Mix 埋豉油加辣椒豉油，再加麻油倒落佢落剛蒸好燒賣，真係幾正！點擊圖片放大 +8
