大家有冇食過這款生果，見幾得意買來試吓，又幾好食😋，用嚟整黃金雞蛋黃果醬芝士温泉蛋多士真係無得輸😃，做法非常簡單，唔識煮嘢食都可以呃like ，重點又幾好食😋，味道有啲似已蒸熟南瓜或番薯同甜甜地，末吃過的朋友可以見到可以買嚟試吓。材料：雞蛋果一個芝士一片沙律醬少許方包一片（建議厚切）日本雞蛋做法：1）首先將雞蛋果（已熟）去皮，將雞蛋果肉放在碗中，用匙羹壓碎加入少許沙律醬同黑椒碎，少許鹽調味，再均勻備用。2）先將方包烤一烤兩面，之後將雞蛋黃醬塗上方包面掃平，再放一片芝士放入小焗爐烤六至八分鐘。3）打雞蛋放入小碗，煲滾水，水滾後，用筷子不停攪動幾圈，輕手放入雞蛋，不用理佢不用郁，冚蓋熄火計時3分鐘就可以整到溫泉蛋。4）烤好的黃金蛋黃醬芝士多士再加温泉蛋在面上，再放少少黑椒碎就搞掂。點擊圖片放大 +4
