昨天見到茄子好新鮮又靚，買咗個茄子，之後諗貼煮，天氣涼左，都係食熱野好D，就試吓整氣炸盤龍白本耳新豬肉蝦膠釀茄子🍆，我都係第一次整，不怕失敗，仲幾好食😋，五款材料就搞掂，大家又試吓。材料：1）茄子🍆 一條2）蝦仁（適量）3）新豬肉半包4）白木耳（適量）5）蔥切粒粒（適量）醬汁：用鰻魚醬油 + 日本醬油 + 少許麻油做法：1）首先將蝦仁，白木耳，蔥洗淨抹乾切粒粒備用。2）蝦仁同白木耳放入攪肉碎機搞好備用。3）將半包新豬肉放入已搞好白木耳蝦膠搞均，加少少胡椒粉，鹽，麻油調味，加入蔥粒搞均，放入雪櫃雪20 分鐘備用。4）切開茄子一半，每邊切小段，再釀入蝦膠新豬肉白木耳蔥蝦滑。5）放入氣炸鍋170度10 分鐘，不用反面再180度12 至15分鐘就搞掂，中途記得噴油及掃醬汁。點擊圖片放大 +7
