今日同大家分享整懶人版-易整無糖無牛油免搓麪包，晚上準備好材料同整好粉團，第二日早上準備45分鐘左右就有新鮮麵包食啦，而且包面脆卜卜好正，用來做早餐真係好出色，重點材料簡單容易整，零失敗。材料：高筋麵粉 300g酵母 3g鹽 4g水 240g合桃 切小粒（適量）做法：1）先將高跟麵粉，酵母同鹽攪勻，再放入水再均勻至團狀，放入雪櫃雪一晚或至少雪八小時冷藏（我就晚上整好，第二朝起身就可以用來整麵包）2）第二日從雪櫃拿出來，粉團己經發大了一倍有多，在枱上或矽膠墊上灑上高筋麵粉，再將粉團取出，放在枱上或矽膠墊上，灑上少許高筋麵粉，再排氣同搓一搓，分成三至四份，再加入已切碎合桃再搓一搓及整自己喜歡的圓形/橢圓形或長條型就可以，再灑上少許灑上高筋麵粉在粉團面，用刀界一界粉團面，用毛巾蓋上在室溫放三十分鐘）就可以焗。3)30分鐘後, 將已發好的麵包放在氣炸鍋焗, 先已預熱氣炸鍋170度5分鐘， 在用175度焗12-14 分鐘，再用180度焗3 分鐘就有新鮮熱辣辣麵包食，麵包面脆卜卜好正，單吃合桃麵包已經好食, 或者夾埋車梨茄洋蔥牛油果醬一齊食， 真係好食到無朋友, 下篇再介紹大家做車梨茄, 洋蔥牛油果醬.點擊圖片放大 +10
