減醣紫薯麻糬 減肥的人都好想食甜品，食得太多澱粉質同埋糖又對身體唔係咁好，所以今日就整減醣紫薯麻糬，材料簡單，客易整 ，又幾好味 😋！ 材料： 1）紫薯一或兩條 （因紫薯有大有小條） 2）椰子粉 21g 3）洋車前子粉 6g 4) 赤蘚糖醇 4-5g 5）水 120ml 6）黃豆粉 做法： 1）先將紫薯洗乾淨，蒸15至20分鐘，之後用匙羹壓溶，再搓成小球備用。 2）將椰子粉，洋車前子粉/赤蘚糖醇加水攪勻，然後放入熱水蒸5分鐘或用有微波爐叮2分鐘（600w) 3) 趁熱的時候，將粉團整成一小圓塊，然後包一粒紫薯心，搓圓就可以。 4) 搞好後灑上黄豆粉就有得食啦。 超容易，零失敗，啱晒keep fit 的減醣朋友食，大家又試吓。 點擊圖片放大 +7
