今日Green Monday 同大家分享我早上整個千張玫瑰花蔥油餅做早餐，又靚又好味道 ，而且千張（豆腐紙）是低糖、低熱量、高蛋白的整㗎，所以食得健康啲。而且材料簡單，只用四個材料，零失敗，二十分鐘就有得食，而我今次用了菠菜味千張整。材料：1）千張 （豆腐皮）八張2）蔥 適量3）雞蛋 一隻4）菠菜葉 （適量）做法：1）首先將蔥淸洗抹乾水，切粒粒。2）將蔥放入一個碗中加1隻雞蛋，加麻油，加少許鹽，加少許黑胡椒，然後搞均備用。3）菠菜葉洗乾淨，放滾水煮1分鐘，吸乾水，加少少麻油同黑醋調味備用。3）千張平鋪在cutting board , 在加少許己調味的蔥蛋液在千張上，記得左右要留 1.5 cm 左右，之後輕手捲起成條形狀，在尾部份加少許蛋液，以防爆口，再打直，然後輕手捲成圈就變成靚靚玫瑰花千張蔥油餅，尾端加少許蛋液封口同以防爆口。4）包好後，先兩邊煎一煎，再用匙羹壓一壓，煎到金黃色就可以。5）將菠菜放底，再放上已煎好嘅小蔥油餅就變成靚靚千張玫瑰花蔥油餅。千張真係好正，可以整到好多野食，大家快啲買嚟試吓 。點擊圖片放大 +9
