點擊圖片放大 +8 我相信唔少人都好似我咁好鍾意食燒賣，不過出便買嘅燒賣好多都加咗木薯粉豆粉來整，真係食幾粒肥過食一碗飯，重點冇乜益，而家我用了雞蛋同近期大熱豆腐紙（又叫千張）用來整燒賣，真係健康很多同啱哂減醣的朋友。今日同大家分享整無添加千張豬肉蝦木耳冬菇杞子燒賣。材料：1）豬肉碎2）蝦肉3）木耳絲4）冬菇七至八粒5）雞蛋兩隻6）豆腐皮又叫千張（今次我用咗菠菜味，大家可以試吓原味或者其他味道）7）杞子適量（㓎軟）做法：1）將豬肉碎加鹽，糖，豉油，麻油，及肇慶花雕酒少許醃一醃，大約三十分鐘，備用。2）將蝦肉抹乾水，放入攪碎機攪碎，備用。3) 木耳絲同冬菇用廚房紙吸乾水後，放入攪拌機再攪碎，備用。4）將豬肉碎，蝦肉碎，木耳碎同冬菇碎+1隻蛋攪勻，放入雪櫃雪三十分鐘。5）豆腐紙，將對接剪開，在每邊分三分，一張豆腐紙可以剪到六小張。6）雞蛋打開，只要蛋白，用來包燒賣邊以防爆口。7）醃好咗的料，拎出來包燒賣，在豆腐紙上加少少蛋白以防爆邊，同加一粒杞子。8）掂晒之後，蒸大約10-12分鐘左右就可以食。Mix 埋豉油加辣椒豉油，再加麻油倒落佢落剛蒸好燒賣，真係幾正 ！
