原本去到尖東一心係想去食海南雞飯，點知行緊去好時中心見到冠華中心地下開左好大間金功夫點心！茗茶每位$9，有得揀普洱、白牡丹、鐵觀音、香片！各式點心即叫即製（需時間15-20分鐘）！各式點心、即拉腸粉、黃金煎炸、生滾粥、湯米線、煲仔飯、原個荷香籠仔蒸飯、原盅燉湯、其他、甜品、飲品！ 金功夫推介：黃金流沙包$10/每個（兩個起），兩個包兩個籠，因為一個籠只係擺到一個包，可想而知係比平時食開既包大個！而且的確係金功夫推介，黃金流沙包入面既饀夠哂多，啖啖都流沙！ 新推出：臘腸肉餅煲仔飯 $39，點心又會同煲仔飯拉上關係，只係 $39 既煲仔飯真係算係唔錯，值得一試！ 金功夫無推介既鳳凰煎糯米雞 $32 絕對要推介下，表面煎得香口，不過又唔會覺得好肥膩。
