在海之戀行完街，香港無乜東北菜見到老掌櫃就想試下！ 東北傳統名菜之一既糖醋里脊 $86，將軟嫩既豬肉油炸至金黃酥脆，外酥內嫩，加上酸甜醬汁，越食越開胃！ 上湯雲吞 $50 應該唔係東北菜，可選 5 隻配湯麵（白麵 或 全蛋麵）需時10-15分鐘，上湯雲吞皮薄餡靚，內餡肉質鮮嫩、大粒飽滿，全蛋麵又爽口彈牙，配埋鮮甜湯底，碗上湯雲吞全蛋麵食唔停口！ 甜品方面 $13 高力豆沙（1件），聽聞係每枱必點招牌甜品，仲話被片皮鴨耽誤既高力豆沙店，講得好誇張！不過大大件又撒滿細砂糖既高力豆沙真係幾好味！ $52 豆沙鍋餅（需時20分鐘） 外皮煎得金黃酥脆，內層保持煙韌軟糯，內餡豆沙甜度適中而不油膩。
