唔知大家細個有冇用過雪花膏呢?記得細個既時候,每逄冬天天氣乾燥,皮膚爆擦到紅卜卜,媽咪就會拎盒雪花膏比我擦.好快就會好返曬~但雪花膏因為比較油同厚,所以漸漸就冇用喇~ 近來,發現在Curél 呢盒深層高效保濕面霜. 我一直都有用開Curél 既深層卸妝啫喱.第一次用既時候,都係朋友介紹.呢個日本品牌從根本改善乾燥性敏感肌膚。見佢又係低敏成份,所以就試下.點知一用就已經用左好幾支喇~ 今次同大家分享既係Curél 呢盒深層高效保濕面霜.. 蘊含「潤浸保濕Ceramide功能成分」及桉樹精華，能深入滲透至肌膚角質層，讓肌膚回復高密度滋潤狀態，感覺柔滑富彈性，同時有效抗禦外來刺激。 • 有效預防乾燥問題惡化 • 提升肌膚自我防禦能力，紓緩因肌膚乾燥引起的不適 • 深層高效保濕配方，用後依然感覺清爽 打開看看~純白色既軟膏狀質地~冇任何氣味. 好喇,先試上手比大家睇下~軟膏狀既質地,都幾易推,而且唔油,感覺就好似雪花膏咁~但冇雪花膏咁油咁厚~ 推至薄身後,佢就已經慢慢被吸收~ 試完手緊係要試係面度啦~用左係面度,感覺比用係手冇咁快吸引,可能係我塊面冇手咁乾~hehe 既然話高度保濕,當然要試下用完上粉後會唔會出現乾紋,脫粉既情況啦~ 效果好理想,沒有出現到以上問題. 總結一下我用左10日既感覺,保濕方面絕對做到,而且唔厚重.但係夜晚用完第二朝早,面上就會有少少油(當然是對比我用其他產品後的) 我覺得應該係未能完全吸收.但情況可以接受的~!反而我覺得朝早上粉前用,保濕效果更理想~尤其係冬天. 最重要係唔會引至皮膚敏感! 滿意度比8.5分啦~
