《一鍋堂》之前已經聽朋友講過一鍋堂嘅打邊爐好高質，今次見到葵芳嘅13000尺旗艦店終於開張，而且仲有個【吃飽才有力氣減肥】呢個霓虹燈打卡位🤣🤣就即刻同我男朋友講話我想去！餐廳空間感好大，而且自助區夾菜嘅空間都好多，餐枱同枱中間都好闊落，環境都好舒服！可惜嘅係今次坐唔到火鍋潮語虹燈既卡位，所以就唔方便影人地相啦！一鍋堂晚市主要有三個火鍋放題可以選擇，價格由HK$198至HK$288，今次我就選擇咗中等價位嘅安格斯牛，感覺CP值好高🤩！湯底方面足足有15款，今次我就加HK$50揀咗個鴛鴦鍋，叫咗個檳城喇沙湯同埋杏汁豬肺湯！因為呢兩個湯底都比較少見，如果大家知邊度有特別湯底就留言話我知啦☺️☺️杏汁豬肺湯好滋潤，而喇沙湯又帶有少少刺激性！雙重感覺真係好過癮！至於食物方面：牛肉🐮：打邊爐最重要既真係食牛，牛板鍵同封門柳兩種口感唔同，但牛味都係好香！🤤豬肉🐷：粟飼豬好厚肉好彈牙！👍🏻呢個真係好推薦🤩丸類🍡：蟹子蝦膠釀冬菇，陳皮鯪魚滑，流心魚蛋同手作麻辣豬肉餃都好好食！飲品🍹：呢度飲品比較特別既係有冰糖燉檸檬🍋同埋蝶豆花🌺茶！睇黎一鍋堂都知大家會熱氣，所以預先有啲潤喉既飲品等大家狂飲🤣🤣🤣最特別既係餐廳門口有吧枱打邊爐位置，真係一人去食一啲都唔尷尬🤣🤣🤣🔸🔸🔸🔸🔸🔸🔸🔸🔸🍽 一鍋湯📍 葵芳💰人均消費: HK$290🕊餐廳傳送鴿： @e_pot 🔸🔸🔸🔸🔸🔸🔸🔸🔸#ivykomenu#hkfoodie #foodie #hkblogger #hkfoodblogger #hkfood #hkfoodlover #hkfoodstagram #hkigfood #hkeat #hkinfluencer #hkkol #hkrestaurants #香港好去處 #食好西 #香港美食 #食評 #手機食先 #香港餐廳 #餐廳推介#kwaifong #kwaifongfood #葵芳 #葵芳美食 #打卡餐廳 #打邊爐 #火煱 #任食火鍋 #多人聚會 #聚會好去處 點擊圖片放大 +7
