唔講咁多，要去屯赤隧道，可以坐K52巴士🚌，喺「望后石」站落車，再行20-25分鐘到浩和街。不過，作為屯門牛牛一定係坐的士🚕。如果喺市中心出發，大約10-15分鐘就到達了，記得叫司機駛到盡頭，再慢慢行返出嚟，邊行邊影就啱晒！須知道，30度下行25分鐘後，都沒晒心情打卡，所以記得坐的士或者揸私家車去！😝仲有，提提大家，打卡熱點附近冇餐廳同洗手間🚾都冇瓦遮頭架！記得帶備遮、防曬、蚊怕水、嘢飲同小食，Chill下🥳 望到海吹住海風真係好正！ 坐喺度影到石同海就最靚了！ 椰林樹影feel，草地都好靚，不過啲草太高，而且有蟲，就唔建議坐係度野餐喇🍗嚟放下狗仔就好🐕🦮我呢，係2/5/2021三個女仔去，人唔算多，不過果日天氣唔好，突然好大風同落雨。想借呢個機會，多謝當日幫過我哋嘅陌生人🙏🏻借咗把遮俾我哋，亦多謝另一位車我哋出返市中心🙌🏻雖然未必會再見到，但都想講聲多謝🤍大家要留意走嘅時候未必call到車😵💫太陽落左山冇落雨嘅話就慢慢行去巴士站啦！同埋記得帶返自己啲垃圾走呀🤍🌿
