今日介紹離島鴨洲吉澳一日遊。建議最好在星期日或公眾假期前往。因為鴨洲故事館，只在星期日及公眾假期開放，星期六不會開門。農曆新年初一至初三休館。個人認為最好出發日子在春季及秋季。景點大多數是空曠場地，烈日當空遊離島不太適合。馬料水新渡輪碼頭點擊圖片放大 前往鴨洲係馬料水新渡輪碼頭。開船時間上午9:00。由大學站B出口轉左。步行約十五分鐘到碼頭。可以上聲威渡輪FB專頁查看。路線係馬料水>鴨洲>吉澳>馬料水。第一站到達鴨洲係10:45。當中如果唔想去鴨洲，可以在吉澳碼頭下船。鴨洲至吉澳開船時間12:30。留在鴨洲時間只有一小時四十五分鐘。進入鴨洲及吉澳，係用中國漫遊。回程返到馬料水新渡輪碼頭約下午5:00。鴨洲點擊圖片放大 一落船先向左行。向着鴨眼方向。做第一個打卡人士。之後去鴨洲故事館參觀。有興趣行山朋友可以上瞭望台。上瞭望台約5分鐘。點擊圖片放大 據鴨洲故事館負責人講，佢地原本係原居民。1920 – 1930年約有一千人居住。因多數係漁民，係住在艇上。原本校舍改建成故事館。原本敎堂正在修繕中，不對外開放。吉澳點擊圖片放大 12:30鴨洲碼頭上船，去到吉澳約15分鐘船程。因為我係天后娘娘契仔。要右轉去天后宮拜天后娘娘。一早係屋企附近帶咗天后娘娘最愛食既馬拉糕。善信也可以在碼頭附近既士多小食店，買糕點祭天后娘娘。善信可以擲聖杯及求簽問事。附近有一間吉澳故事館。也可以參觀。山徑瞭望台及吉澳風景點擊圖片放大 有兩個瞭望台可以睇風景。碼頭左邊三聖宮有山徑上瞭望台。但要行成15分鐘到頂。點擊圖片放大 碼頭右邊水月宮旁有山徑上瞭望台，只需5分鐘到頂。水月宮係供奉觀音娘娘。廟旁有棵許願樹。沿着小路行有八角井。完整專欄：https://chieformula.com/2026/03/13/ap-chau-kat-o-trip/
