點擊圖片放大 萬聖節小食拼盤售價係$98。如加先買任何一個套餐，再加購只需$78。閃泡蛛影特飲原價$58，買餐加購係$38。今次我買咗萬聖節小食拼盤售價係$98加閃泡蛛影特飲$38。總價$136。點擊圖片放大 個拼盤有薯仔、雞翼及蝦片。混入BBQ醬汁，滋味無窮。最特別係個雞翼，賣相及味道百份百似足譚仔土匪雞翼。正宗土匪雞翼係要用蒜粉 、生抽、麻油、胡椒粉、砂糖、花椒油及五香粉做醃製材料。萬聖節食到土匪雞翼，真係認節。未食落去，已嗅到雞肉香味。食落去，肉汁四溢。因為用咗長時間醃製，先至有正宗土匪雞翼果種味道。閃泡蛛影特飲賣相係跟足電影動畫版蜘蛛俠。杯中棉花糖，寓意動畫版其中一件戰衣造型。好飲。杯特飲好重紅梅汁，但帶有汽水味。成個套餐，造型加賣相滿分。完整專欄：https://chieformula.com/2025/09/23/disney-halloween-time-2025/
