完整專欄:https://chieformula.com/2022/09/22/disney-halloween-time-2022/點擊圖片放大 +3 河景餐廳位於森林河船之旅對面。個人建議如計劃好同情侶或一家大細進餐,最好先在官網訂購。現場walk in 要視乎是否有無空位。現場付費是要付加一服務費,網上訂購則以成人票價$788,小童票價$478便可。我蠢咗,9月21日 walk in購買套票。後來職員同我講網上訂購免加一。呢個套餐係包阿Jack怪誕大餐一客、「惡人舞動迪士尼」優先入場1次及怪誕城之夜三大惡棍阿Jack,Sally及Boogie合照。讀者可以自行登入河景餐廳下載阿 Jack 怪誕大餐餐單。當日下午進場,一入到去便有一把壓低嗓子的女子在我右邊講話:Alan,我地等咗你好耐,你個位係呢邊!向右一望,一個妝容貌似「星期三」的女孩招待我。心想今日是星期三,撞到一個妝容貌似「星期三」的女職員,唔係咁邪呀😈!及後才知全場餐廳職員都以Nightmare before Christmas造型出場,連同場地布置都係Tim Burton個怪誕城之夜裝飾。怪不得我對這位Mimi女職員,有「星期三」的詭異感覺。有點嚇人但又好親切。「星期三」Wednesday Addams 是Tim Burton將會上映的電視劇。「星期三」Wednesday 是愛登氏家庭的大女名字。故事以她為主題。點擊圖片放大 +3 怪誕大餐包發光特飲、海鮮拼盤、蟹肉凍湯、主菜 ( 我選鱸魚 ) 及甜品拼盤。發光特飲充滿亞馬遜河熱帶風味。好多水果加埋的fruit punch。有橙味加菠蘿味。海鮮拼盤味道同澳洲海鮮差唔多。有龍蝦、藍青口、蝦、翡翠螺等等。好重海水味。上菜時職員會注入假血入器皿,器皿之內噴出蒸氣噴霧。令人有詭異感覺。西班牙蟹肉凍湯好似雞尾酒血色瑪莉。有蟹肉但好重雞尾酒味。主菜我選取鱸魚。清香入口,爽夾滑。上等食材。甜品拼盤非常精緻,造型是阿Jack、Sally及Boogie。阿Jack是雪糕。Sally是小蛋糕。Boogie是甜酸糖。用手機閃光燈可以造出詭異造型。看出廚師精湛功力。用餐時有一驚喜表演,就是職員Alvin帶領全場餐廳職員用Acapella合唱團方式,邊唱邊晃動手中烊燭,載歌載舞。Tim Burton 講過,過去佢D作品,全部將人內心深處的狂想作無限放大。謝霆鋒講過,可口可樂加美食,可以將滋味無限擴大。今日,我品嚐到 Tim Burton 怪誕大餐,附加 Nightmare before Christmas 主題曲acapella live version。可以令食客走進Tim Burton的詭異狂想世界。佩服河景餐廳的員工設計出別樹一格的美食氣氛。 在此送上 Addams Family 主題曲acapella version用作回禮。完整專欄:https://chieformula.com/2022/09/22/disney-halloween-time-2022/