某日和吃貨朋友去行街，行行下心癮起～決定搵間放題大吃大喝開心下！就比我地見到依個牌～～ 價錢睇落都好吸引下! 上到去環境都幾新同埋乾淨～合格 第一時間當然要拎哂食物紙出來啦～食物種類不算太多，但勝在菜色都吸引！最怕有些放題明明看起來好多選擇，但其實大多都是怪異的菜！ 正當我專心睇有咩食時，對面的吃貨已經點好一大盤刺身了。放題食刺身是常識吧！ 估唔到刺身種類都幾多，而且是好野～刺身新鮮度合格～沒有雪味、沒有未鮮好凍！其中大甜蝦同埋帶子刺身非常鮮甜～建議多點！ 最驚喜的就是有生蠔～蠔都幾大隻嫁，大半隻手的size~幾新鮮同鮮甜！ 熟食方面呢～都不錯。但由於食食下太專心，沒有拍照了～只有影底好味到要一講的部分！依個一口牛我好喜歡啊～被我ko半碟yeah~好林好入味！ 一口甜薯都是我飛佛，朋友仔覺得太飽肚，所以都係由我搞惦了～哈哈！ 海鮮控見到扇貝當然唔執輸啦～都幾入味嫁。可惜我食果隻有沙，朋友果隻又冇事喎～我是黑仔 講到甜品呢，依個冰鎮菠蘿是我最愛～食左10件哈哈～～～ 其他甜品，啫喱奶凍之類就.........建議食雪糕同糯米池就好了！ 埋單187，唔洗200一個人，係旺角食飯時間來說，都幾合理了吧！
