打食文對杏仁黎講, 係最開心 食完好野緊係想同大家分享 上星期去左一間我第一次去既餐廳 地點在旺角的朗豪坊 餐廳名字: 近又吉列黑豚專賣店 吉列豬扒食得多, 但呢間舖既賣點係 千層吉列黑豚 內裡可因自己口味而配上這個千層豬 有芝士, 泡菜芝士, 紫蘇梅, 生薑 及 蒜蓉 定食包白飯+ 麵豉湯+餐前小食(豆腐) + 無限量供應的椰菜絲 (不過我無影到) 而每個座位都放上芝麻 自行壓碎芝麻後, 再加上它們的3款秘製醬汁蘸吉列來吃 秘製醬汁有青瓜汁, 蘋果醬汁, 黑豚醬 青瓜好fresh, 黑豚用來配吉列食的 當然我緊係叫左出名的千層黑豚, 入面係芝心喇~ 件黑豚唔多油, 表皮的吉列好脆口, 內裡真係一屠層的豬肉片 咬落無渣又唔痴牙 夾半溶的芝士一齊食, 好好味呀! (因為我都幾鐘意食熱氣野) 另外叫了一份吉列大蝦配吉列蠔 都唔細件, 蠔又唔腥 雖然全部都係熱氣野, 但夾住d凍凍地既椰菜絲食, 感覺無咁熱氣 座位都幾舒服, 不過如果起繁忙時間, 就只可以坐1.5鐘咋 埋單2人共三百多元 地址: 朗豪坊11樓13號舖 另外起星期六既tea time 同2位朋友又去baby cafe 不過朗豪坊店我係第一次去 (Service我覺得比其餘2間店差少少) 由於tea time無tea set, 都係午市,晚市既menu 所以只叫了2個set再加小食 拔絲雞翼以為好甜, 又唔係喎 外皮有少少脆, 上檯時好香 薯角 蕃茄醬意大利雲吞, 鐘意食蕃茄既一定要叫呢個 雲吞入面都有餡料, 肉碎加菜 一個set係baby 三食, 因為食過幾次, 所以無影到 另一個set係帶子菠菜意大利麵, 麵身有點咬口, 不會over cooked 麵上既裝飾幾得意 帶子好大粒鮮甜 唔好睇佢好似好少, 但都好夠飽呀 食物我覺得唔錯, 不過檯與檯之間距離好近 如果要講秘密, 就唔好揀去呢度食飯喇~ 以免被隔離檯聽哂, 哈哈 地址: 朗豪坊11樓30號舖 希望你們喜歡我的分享 如有問題, 可留言或電郵給我 issiyyi@yahoo.com.hk
