好耐無出過食文了~ 見到iPhone入面有好多食物相片 一直很想跟大家分享 (也想釋放多些儲存空間) 所以今篇會分享不同的餐廳, 早餐, 晚餐, 菜式, 零食, 連深圳區也有 首先分享早餐先喇 話說某同事很喜歡食牛角酥 某天她發現公司樓下的Simply Life都有, 在openrice食評也不錯 她替我買了一個"杏仁牛角" $15, 味道其實可以的, 不過很易吃到咀邊黏著糖粉 早前也試過Coffee Danish $15, 好食過杏仁牛角, 咖啡味濃, 又不太甜 早上來一個咖啡味的, 有助提神呢! (不過我忘記為它拍照 ) 到lunch喇~ 去了Grappa's, 我....竟然是第一次去 叫了Steak, Prama Ham Pizza, 跟餐的salad都好美味! Pizza好軟熟, 麵包唔會好硬, 我鐘意 Steak又忘了影相 (掛住食) 晚餐了~ 杏仁有好幾間要向大家介紹 首先介紹了早前起團購網入手的Baby Cafe (未買之前同朋友仔食過唔錯, 所以買得過) 一聽名字就知是由Angelababy所開的Cafe menu最貴的set都只是$118而已 已包括餐湯 / 沙律, 牛角包 (呢個好好味呀, 又係好軟熟的) + 主菜 + 餐飲 我選了Baby 三食, 一次過滿足我三個願望 有意粉, 黑松露炒蛋, 火炙鮭魚腩 最好味的是炒蛋, 魚都唔錯, 意粉只是一般而已 我一個人係食唔哂囉 朋友仔叫了比目魚意大利飯, 單睇賣相已不錯 銅鑼灣, 旺角, 尖沙咀都有Baby Cafe架! 內裡裝潢更以黑白為主, 有好多Baby的寫真添, 好o岩男仔去呀 第二間餐廳是友人很久之前帶我去 位於西灣河的"大壽司", 剛查openrice原來結業了~ 第一次去的時候, 真的比佢嚇親, 我唔知道有咩特別 order後,當壽司上檯時, 我真的笑了出來, 點解?! d壽司比一般的巨型, 連wasabi都大舊過人 食幾件就飽了~ 其實味道就一般喇, 但又不至於差 呢間"大壽司"很抵食, 每次去都滿座的, 不過很可惜佢已結業了~ 第三間: 小儀開的"麵麵店", 是一間車仔麵店 之前睇雜誌介紹的, 話佢地製作認真, 搞到好想試, 話小儀得閒就會黎幫手 不過當晚我撞唔到佢 我點了: 魚肉春卷, 墨魚卷, 麻辣蓮藕(唔覺麻辣), 豬皮(好入味, 無毛) 湯底: 薑酒湯 (我覺得無乜特別, 飲唔出好薑味) $34就有餐, 抵食好多 (4餸+麵+豆漿或紫貝天葵) 地址: 佐敦廟街274號 試過一次...我應該唔會再去, 因為不算特別 第四間: The One 的 caffe HABITU 自助型的西餐廳, 店內燈光昏暗, order及取食物要自己一手一腳 點了海鮮意大利飯, 三文魚薄餅 及 兩杯凍飲 $260 基本上沒有service來說, 不算便宜呢 味道是不錯, 薄餅底很薄, 夠味 當晚仲見到莊思敏, 真人很高很瘦! 第五間: 明洞Express 早幾天相約了blogger Cat Hui 及 WinWin去的 要為某人減壓, 其實係談下心又想食下野咁 明洞express也是自助快餐形式, 第一次去的我們, 咩都唔知 大家點了炒年榚, 炆牛肋骨, 韓式炸醬麵, 每份都附上泡菜 落完order比完錢後, 侍應比左個.....mp3的東東我地???!?!! 咩黎架??? 原來....當食物預備好的時間, 那個mp3會有音樂發出, 這個就是提示你出去拎食物的儀器, 很搞笑喔! 至於味道呢...我都係愛年榚, 因為少辣味濃 牛肋骨都係"錦城"好食d, 但論價錢....express就平好多了~ 仲有仲有...我的凍柚子蜜好夠料, 一d都唔淡! 好過她們的"無檸檬"的凍檸茶, 呵呵 好....到零食篇 零食怪的我....至愛薯片, 百力滋 上年起泰國買入的"Bread Stick" 鹽味百力滋 都幾似餐廳餐前的麵包條, 不過它變了幼身 (百力滋身材), 好味! 這個是在香港萬寧入貨的 卡樂B的羅素湯薯片, 期間限定!!! 試過一包後, 我也回購多2包, 真係好濃的羅素湯味, yummy! $15/2包 自從公司樓下開了759. 同事們一無野做就話去"行下囉" 搞到一星期有幾日都去"巡舖", 而我....亦投資不少金錢在759 近期見到呢隻雀巢出品的"宇治抹茶", 唔過$15就有9條, 味道唔錯呀~ 抵飲 仲有紅茶味添, 愛茶的babies, 試下喇喂~ 跳出香港, 介紹下深圳的餐廳了~ 其實近呢年都少左番大陸, 因為人仔高企, 食買玩樂不像以往的抵 不過都總有d好野既... 香港的盛八好味, 但價錢好貴... 原來深圳開左一間任食放題 深圳暫時唯一一間盛八 我們一行7人預先在openrice下載了coupon, 百幾蚊人仔...就可以食到盛八午餐放題 同行的壯男, 有2-3個是"黑洞"!!! 首先看看我的表情 張單長到咁, 真係眼都突埋, 如果不是任食的話, 呢張單....唔知收費如何呢?! 由於大家剛起身, 第一餐就是brunch了~ 而且遲左, 人地又趕住last order, 一下子叫了6x件壽司 無錯....係六十幾件!!! 超級誇張囉, 自問....每人十件, 我真係唔使食其他食物了~ 去得盛八, 當然食佢出名的燒肉喇, 我怎會咁傻瓜用十件壽司打底呢 sake都是任飲喔! 海鮮超好味呀~ d蝦是鹽燒的, 蝦肉不是霉架! 牛油帶子....好好味~ 隨了燒肉, 刺身, 壽司, 仲有熱食架, 由於有d趕時間, 有好多都無影到相 食完呢餐, 又要做運動喇~ 真係好過份! 不過百鬆d價錢食到咁多野, 而且味道,質數 (表面上)係唔差呀! 有機會北上的朋友仔, 可以試下 不過記得要去openrice 下載coupon先呀~ 盛八日式燒肉店 自助餐大優惠 有效日期: 2012年6月1日起至2012年12月31日止 地址: 羅湖國貿人民南路佳寧娜廣場三樓 (電話: (0755) 8983 4323) 憑本券惠顧盛八日式燒肉店，即可享受午餐抵用 $30 元現金券，晚餐 9 折優惠。 希望你們喜歡我既介紹如有問題, 可留言或電郵給我 issiyyi@yahoo.com.hk
