哈哈哈, 踏入龍年已是第十一天了 放假期間掛住hea, 兔年尾的花市文, 食文也積住了 所以今篇一次過同大家分享美食, 行街, 玩具, 美容等等 (真貪心) 新年前, 好多朋友都會去行花市, 其實杏仁最喜歡行的是維園那個, 果度最大, 又係最多創意野賣 不過唔會等最多人既時候行, 根本係睇唔到野 得一個字...."迫" 所以約好朋友仔, 放工後去行, 舒服好多, 得知今年:Chocolate x Milo起維園有個pop up shop (一入去維園就見到) 間shop裝修得好靚....有好多大頭的milo 有睇杏仁前幾篇文, 也知道我入了milo的揮春及手掌咁大既USB 所以點都會去.....影下相既 呢度既公仔全部都係limited edition呀... 所以...我又買多左個揮春了~ 一入場就已經出血 不過佢真係好鬼得意呢 行行下....見到有"金蛋"呀 原來佢係我地細個時既得意食物-----大菜榚 呢個老闆真係有生意頭腦, 十蚊兩隻, 雖然唔平, 入面真係得大菜榚, 不過金色有意頭嘛! 食完, 個金蛋殼仲可以拎番屋企添 整晚.....無乜點買過野, 因為大家掛住吹水 不過一場黎緊, 呢個無得唔買既, 就係風車喇~ 呢個有咩特別?! 有去過維園的朋友仔可能知道 當你用手捽佢既風車扇, 會有香味走黎架 (香蕉味, 朱古力味, 桔味) 講價HK$16/個 話明花市....緊係有花喇, 不過又係掛住講, 影得一張 今年同朋友仔行左個桃花運....hehe希望大家願望成真呀! 行完花市....去左銅鑼灣888拉麵醫肚 好耐之前去過一次, 2次去都係要等位, 湯底係唔錯, 不過今次食的叉燒鞋左少少, 麵質同湯底其實都唔錯既! 起新年前, 杏仁已收到最後一期自訂的LuxBox 可能早前FB上的連橫投訴戰, 今個新年盒子....好過聖誕的那個....(但相比其他驚喜盒子也不可叫好) 只可以說LuxBox是有進步, 不過我不會再續訂了~ 新年盒子內裡的東東共有4件product 投訴後, 真的少了那些要自己打去預約, 自己去換的coupon 左邊的是Estee Lauder的唇膏盤, 右邊是Laneige的water sleeping pack (不太驚喜) 還有Caudalie 的Firming serum 10ml, OPI的mini甲油 新年前席...杏仁用了OPI隻桃紅甲油搽腳指甲, 要旺一旺 (因為手指是BB 甲, 很少搽甲油呢) 易上實色, 好Sharp呢, 不過咁凍, 去到親戚朋友屋企, 都係著住襪, 無得show比人睇添 另外杏仁發現一樣可以滿足你5種口味既零食.....super mix 5爆谷 購自零食物語, 入面有甜有咸味 (朱古力, 提子, 焦糖, 香蕉同鹽味) 只係十幾蚊(記得係唔過15蚊的).....抵食呀....仲係脆卜卜添 講開食物, 呢個蛋糕唔介紹唔得 早前起團購網入手的餐飲劵, $75可以食到$200的美食 舖仔位於尖沙咀, 名叫Bricklane 其他食物唔詳細介紹喇, 早前網友食完佢都post過出來 杏仁點都要介紹的, 就是我第一次親眼見, 親口品嚐到的red velvet cake 我地每人一件, 單點$65, 一點也不便宜 但原來是值得的! 當侍應送上檯時....我心裡"嘩嘩嘩..."了很多聲 (我是甜品怪) 先看碟上的劃花....2款都不同的 再zoom近鏡比大家望望 cake上面有幾朵乾玫瑰花, 真的真的很精緻, 面頭還有點玫瑰花瓣碎 杏仁很天真的以為白色的都是cream, 原來.....是我喜歡的芝士呀...仲要好重味道的 其實蛋榚是棗紅色的, 真的很特別, 因為用iPhone影出來是有色差 食落有啖啖的玫瑰味....很fresh! 杏仁從未試過如此好味的雙重感受! 所以....$65是值得的 最後送上龍年年初二煙花夜照片 新年期間食左咁多野, 杏仁要借Kilo Off的揮春來許個願望! 祝大家心想事成! 希望你地喜歡我既分享喇 如有問題, 可留言或電郵給我 issiyyi@yahoo.com.hk
