由細都大都係住在九龍東, 父母間中都會來九龍城行街食飯 而九龍城最出名是甚麼? 相信大家都知道 有小泰國之稱的九龍城, 住了不少泰國人, 因此泰國餐廳林立 老字號的黃珍珍, 十個香港人, 九個都聽過或者幫襯過, 最後一個可能係小朋友 回想起第一次來.... 當時對面就是香港機場, 正因表哥要去外國讀書 姨媽姨丈約哂一大班親戚去送機, 送機前仲起黃珍珍食飯 我呢個經歷, 或許都是大家的故事 雖然九龍城有大大小小的泰國餐廳, 但有好多都係舖仔, 而且坐得唔夠舒適 而黃珍珍有3層, 大小檯都有, 就算一大班親朋好友來吃飯, 都很易訂到檯 好, 等我介紹套餐入面嘅精選啦~ - 柚子沙律 粒粒爆汁而不苦澀的柚子, 簡直是餐前的開胃菜 雖然入面有辣椒, 但只是微辣, 當中我喜歡加入有咬口的花生及蝦米粒, 沙律都做到好足料 食泰菜, 好多時都會叫冬蔭功湯, 不過唔係人人都食得辣, 又或者嫌太啃, 可以試下另一泰國名湯 - 酸辣海鮮湯 顏色會比冬蔭功湯淺及清, 本人覺得酸多過辣, 又係開胃之菜式 又係超足料, 仲要有火一路烘住, 湯要熱先好飲架嘛 入面有齊蝦、青口、魚柳、蟹、魷魚等海鮮大雜薈 湯入面都少不了泰國人喜歡用來煮餸的香料: 南薑、香茅、金不換、魚露、紅葱頭、檸檬葉和乾辣椒 清而不膩的酸辣湯, 飲完唔怕食唔落其他嘢 又係食泰菜必點的沙爹串燒 唔會燒到乾爭爭, 變肉乾 很多泰國餐廳的肉串舊肉很小或很薄 伴埋惹味的沙爹汁, 好juicy 而我覺得以下呢度菜, 黎到黃珍珍一定一定要點的: - 香辣海中霸伴青芒果絲 首先, 賣相已經好得, 廚師特別選用來自泰國的「紅寶石魚」, 貪其體大, 肉質嫩滑 因此改其名為「海中霸」! 魚尾魚頭全條上, 平時怕吃魚的朋友, 包括我自己, 很怕多骨又或者腥 學阿媽話齋, 大魚很少骨, 有的都不是幼細的骨 魚身面頭仲要加上青芒果絲, 當中夾雜著香口的腰果仁, 酸甜微辣的醬汁配乾身的炸魚塊 你流口水了嗎? 而點解覺得要點呢道菜?! 是因為阿珍珍會幫你將會切開一片片, 然後炸成香酥脆口的魚片 平時一大班人吃魚, 很怕比人"了"爛哂條魚, 看到模糊的魚生都已經唔想食啦, 諗起又唔衛生 但呢道香辣海中霸伴青芒果絲就別有不同, 一塊塊炸好的魚片, 大家吃得方便又衛生 其實呢道菜要落很多功夫, 炸過後的魚片一d都唔鞋唔腥, 伴埋開胃的酸酸辣辣的味道, 越吃越滋味! 泰國菜的款式真係有很多, 可媲美中菜 - M6級咖喱炒蟹 配手工法包 無錯, 很多人食咖喱, 其實是為了吃其咖喱汁, 因此老闆特意配埋手工法包讓大家將醬汁吃得方便d而呢個咖喱汁唔辣, 就返香港人嘅口味 手工法包也都是必吃的, 熱暖內軟外脆的, 加上香滑濃郁的咖哩汁, 很幸福呢~ 當然也不能錯過M6級大肉蟹, 蟹肉結實, 唔會梅林林, 雖然有濃味的咖喱汁蓋著, 但其海鮮的味道也不被掩蓋 - 原個菠蘿炒飯又係超足料, 勁豐盈 唔好睇以為內裡空間很細, 廚師將菠蘿肉取走, 是很深的洞, 你可看到菠蘿邊皮是很薄的 絕無偷工減料, 試過在外邊吃到只是一半的份量, 很呃人呢~ 黃珍珍的菠蘿炒飯, 面頭的配料我不講啦, 大家都有眼看到, 內裡還有大蝦, 雞肉, 菠蘿粒等, 勁滿足! 最後最後, 泰式甜品拼盤 其實吃到中段時, 大家都已飽起來, 也說不如將甜品外帶吧.... 誰不知甜品拼盤一上檯後, 大家開始猶豫, 哈哈 先試了中間最清的椰青榚後, 說了很多次不吃的朋友, 她竟吃了3件, 咩事呢XD XD XD 連平時極少同我去吃甜品的男友, 他都竟然吃了2件 我自己啦~真心推介椰青榚, 全都是以椰青肉及椰清水做, 它的甜是清甜, 是全檯一致推介的 而平日多在泰國餐館只吃到的白色椰汁西米榚, 對大家來說可無新意, 不過呢度就有唔同色, 唔同味道啦~ 黑色: 黑芝麻 (我吃了這個, 好香濃的芝麻味, like) 綠色: 斑蘭, 淺紫色: 芋頭, 黃色: 粟米 拼盤還包含皇牌的香芒糯米糍, 不過我真的真的很飽, 所以沒試 無錯, 九龍城的泰國餐館真的很多 而一間可以在香港屹立46年又不是連鎖店的餐廳, 我想到的一定是其味道能保持水準, 其次可能是服務質數 (我自己encore一間餐廳的標準) 所以才會留得住客人回來幫襯~ 最近黃珍珍推出一個我認為值得推介嘅『泰愛泰珍味』套餐, 缺點只是6人起, 沒有2人或4人 不過新年會多約親朋相聚, 話咁易就儲到6人以上啦 套餐做到2019年3月31日 **優惠及活動僅於九龍城店推出及發售** 農曆新年仲有幾日咋, 仲未諗到去邊度開餐? 試下打破傳統去食泰菜啦~ 黃珍珍泰國菜館 總店 地址:九龍九龍城打鼓嶺道23號百營中心地庫、地下1/F 電話:2716 6269 尖沙咀分店 地址:九龍尖沙咀彌敦道219號莊士倫敦廣場3樓(佐敦C1出口) 電話:2721 0099 網址:www.wongchunchun.com.hk 希望你們喜歡我的分享 如有問題, 可留言或電郵給我 issiyyi@gmail.com ★http://issiyyi.theztyle.com ★http://beauty.qooza.hk/u/IssiYyi