星期一至五, 來到假日緊係想輕鬆一下 穿過時光隧道....會去到咩地方呢?! 不消一分鐘, 便上到100層高的九龍站ICC天際100香港觀景台內的: Café 100 by The Ritz-Carlton 今日來這裡, 是打算邊看著靚照, 邊歎個Weekend Brunch 這裡的Brunch由早上十時歎到下午二時, 唔好以為好長時間....因為呢份Brunch係好豐富 唔好以為只係得以下呢一份食物就叫豐富 其實呢度只係前菜拼盤黎架咋 多國前菜拼盤包括: 煙三文魚、煙火腿、意式肉腸、蔬菜沙律、意式煎蛋配三文魚子、果醬低脂乳酪、新鮮水果粒、北海道鮮奶及藍莓纖穀脆麥片 說得有前菜, 那當然還有主菜啦, 稍後再同大家分享 每個Weekend Brunch餐飲仲包含2杯飲品, 1杯含酒精, 1杯啡或茶 酒精的是2選1: Bloody Mary 或 Sunrise Dazzle (柚子桃味氣泡雞尾酒) 我選了有點酸辣的Bloody Mary, 連個杯都靚過人, 特別用上Sky100的地標logo 橙紅色配襯著藍天白雲, 非常舒服! 其實平日我嘅早餐, 就只吃類似的纖穀脆麥片配牛奶, 所以4小時的用餐時間, 其實是剛好的 大大枝的北海道鮮奶, 再配上藍莓纖穀脆麥片, 好健康呢~ 藍莓新鮮, 脆麥片也香脆有口感 邊食邊談心, 加埋好天氣, 影下靚相, 消化下, 慢慢地又可以食多啲 前菜當中, 我覺得個意式煎蛋配三文魚子幾特別, 入面有點像豆茸的混合埋蛋汁一起煎 旁邊的醃小青瓜好有開胃消滯作用, 又可以邁向主菜啦 每份Weekend Brunch都包一份主菜: - 意式蒜香大蝦闊條麵配龍蝦忌廉汁 (就是我選的) - 美式班尼迪克蛋 - 芒果雜莓, 楓糖漿及北海道牛乳雪榚 看....主菜是正常份量的, 我有點後悔, 哈哈 (因為怕自己會做大嘥鬼) 以為忌廉汁會很漏的一個醬汁, 神奇的又想錯了, 酒店級水準是意想不到的 而蝦有5-6隻, 也不是小蝦, 爽彈口感 闊條麵的軟硬度也適中, 雖然已很飽, 不過因為味道很好, 也不捨得不吃 而朋友點的美式班尼迪克蛋, 賣相也很好, 伴碟也有很多新鮮蔬菜 班尼迪克蛋有帕爾馬火腿及多士墊底, 加了咸香的火腿, 也中和了蛋液的淡味 最後來杯大吉嶺茶消消滯, 味道似中國茶 估不到是一大壺, 4小時的用餐時間可以說是不夠添喎, 不過呢度幾乎沒有趕客的行為呢 吃得太飽, 來到當然想行下影下相, 之前在IG看過有傳統點心呢個打卡位 我當然不能錯過啦, 非常cute呀, 全部點心都做咗大公仔版 仲可以走入去喪影, 仲可以影埋出面嘅景 玩了一輪, 又有點口乾, 我們又返轉頭點了杯特飲 連Menu都可愛過人, 佢有分有酒精同無酒精 Above the Clouds 係咪靚到爆呀?! 藍藍綠綠的顏色, 與背後的藍天碧海真的融為一體 雖有薑汁梳打, 但薑辣味不濃, 棉花雲遇水便溶化了, 味道是酸酸甜甜的 另外, 呢度仲有期間限定的北海道夕張蜜瓜雪榚, 可惜Weekend Brunch過豐盛, 胃子真的再撐不下去 除咗Weekend Brunch, 還有其他A la carte menu的 地址: 九龍站ICC天際100香港觀景台 Weekend Brunch 詳情或套票優惠: https://sky100.com.hk/zh-hant/special-offers/cafe100-brunch/ 訂座或查詢: (852) 2263 2356 希望你們喜歡我的分享 如有問題, 可留言或電郵給我 issiyyi@gmail.com ★http://issiyyi.theztyle.com ★http://beauty.qooza.hk/u/IssiYyi
