曾經, 在數年前, 差不多1-2個星期就會相約朋友到深圳按摩, 行街, 食飯 不過人民幣升值後, 已經少去了~ 加上新聞經常流出很多負面新聞, 如黑食材等, 攪到大家也有點卻步 但最近...在社交網站常看到很多人介紹深圳好去處, 網紅介紹的食肆, 仲有大熱的Cafe等 令我們又發起熱潮上深圳去, 幾個女仔在人生路不熟的情況下....去過幾個不錯的地方 而網上也很易搵到一些深圳一天遊、深圳好去處、甚麼懶人包等等的介紹文章或youtube 出發前也都刨過網民的介紹, 大部份都推介文青cafe, 喜茶等必到的打卡位 今日我也向大家介紹下幾個新淨的大型商場, 有得食有得玩之餘又可以消暑 而我近幾次去過的地方, 就像耳目一新的深圳, 比以前又舊式又污糟, 真的改變(善)了很多 首先有剛在上年9月才開幕有Bubblecoat Elephant大象地標, 位於南山區的萬象天地 在大象腳下的是其中一間文青Cafe "See Saw Coffee" 在深圳很好的, 很多室內的地方, 就算唔幫襯, 入去照相佢地都唔會趕你走 Cafe入面都有隻長鼻小象, 很可愛呢! 呢度都係打卡位黎架 See Saw Coffee入面符其實真係賣咖啡為主, open area放上很多不同的咖啡機 而另一邊就放置很多花花草草 我發覺而家很多Cafe都會咁樣設計, 又係吸引人地影相打於嘅靚位 想飲返大品牌嘅咖啡?! 萬象天地都有 唔講以為自己去咗六本木囉 其他地方都唔差, 係咪一d都唔似去咗大陸呢 (主要是無咗簡體字, 哈哈) 萬象天地就像有幾座大廈組成, 就當日觀察沒有一條隧道或天橋可以連結起來 不過好彩都唔會話太遠, 而且地方都乾淨 另外大多女仔都會關注洗手間的整潔度, 我自己很怕臭氣昏天或污糟的, 我會寧願不去 放心....在最近去過的幾個深圳商場的洗手間都很滿意~ 深圳真的多了很多唔同類型的cafe, 有的是文青, 有的是走可愛風 在卓越In Town的DollsHub, 基本上呢間係粉紅Cafe 聽說較中午前的時間較少人, 可以影到多點靚相 點擊圖片放大 Cafe入面仲有幾部夾公仔機, 可惜一個都夾唔到 唔緊要, 影相留念都可以直到永遠! 其實間中都會同男友返深圳玩返三兩日, 佢都會上網搵定d酒店 而我地多數都會搵d apartment型式的深圳酒店 , 一來比較新淨, 二來都唔會太貴 我地搵到呢間係複式添, 雪櫃, 微波爐, 煮食用具都有, 都係HK$500內/晚, 係咪超值先? 二樓的睡房都唔細架 返大陸....最不可能錯過的, 當然是大熱的喜茶啦! 芝士蓋是必試的item, 超級香濃 呢間係歡樂海岸店, 有室內又有露天, 成個環境好好! 水果茶也不錯!! 滿滿水果, 飲完仲可以食添 除咗喜茶之外, 奈雪之茶都好多人飲架, 所以點都要試下 不過芝士蓋就真的不夠喜茶來啦 但是限定版的"霸氣楊莓"真的不錯, 我們一行3人也一致認同 雖然而家人民幣都係大約兌8, 但是又不能放長假, 間中過深圳玩返2-3日當渡假都唔錯 當然希望不遠將來可以搭飛機去遠d! 希望你們喜歡我的分享 如有問題, 可留言或電郵給我 issiyyi@gmail.com ★http://issiyyi.theztyle.com ★http://beauty.qooza.hk/u/IssiYyi
