我是一個很易被美食吸引的人 早前於朋友的fb見到佢post左隻爆漿的熱狗, 細看文字 原來係呢度所出的特色熱狗: 麻婆豆腐海膽熱狗 淨係聽個名就已經覺得非常邪惡, 但又帶懷疑, 兩者是否match呢?! 睇左朋友的comment 加埋黎openrice睇過, 很多人都對其大讚 餐廳不止這個邪惡的食物, 還有海膽杯 (稍後介紹) 在中環上班多年, 石板街是必定去過的地方, 不過S2有點隱蔽, 它位於賣古靈精怪野的店舖隔離的樓梯位置, 幸好我在中環也打滾幾年, 一望過地圖後就知道係邊 店舖小小, 內外都似足日本的居酒屋 其實我很喜歡這類小店, 可以同老闆或員工close一點, 會對其食物會更了解 內裡的坐位唔算多, 同朋友商議後決定坐bar檯 呢個位可以望住大廚點煮之餘, 又可以等佢地悠閒d既時候傾下偈 小店就是可做到親民親切的感覺! 抬頭看看bar檯的上方, 排滿不同類型的酒杯.... 嗯, 難道我去咗日式酒吧?! No no....留意咗一陣, 原來S2係無碟架, 全部食物都係用呢d不同大小的酒杯盛裝著給客人, 好特別呢 even湯麵, 飯類都係用杯架, 當然係大杯啦, 好得意 先飲杯蜜瓜味汽水等朋友到來 個人對蜜瓜一向是鍾情的, 所以都啱我口味, 唔會好甜, 但有蜜瓜味道 蜜瓜汽水 未幾, 朋友就來到啦~睇完Menu亦叫師傅介紹 (當晚樂師傅都起度呀, 之前起fb成日見佢個樣, 今晚見到真人, 有d似詹sir ) 三文魚他他海膽沙律 $138 夏天熱辣辣, 先來個沙律開開胃口先 三文魚他他海膽沙律HK$ 138 滿滿的沙律, 眼見已有很多食材 面頭有海膽, 內裡有三文魚刺身粒, 小蕃茄同埋有好鮮甜既啤梨粒 外出的沙律, 生果多是用爽口的蘋果, 用啤梨係好少有, 但咁樣又幾match 喎 每人分d, 好快就KO左個前菜 (又或者放工後大家都很餓 ) 三文魚他他海膽沙律HK$ 138 三文魚他他海膽沙律HK$ 138 來日本餐廳, 刺身都是首選啦 精選5點什錦刺身 $498 用咗9格的shooter 杯裝住, 勁特別 而且件件都是厚切大隻的, 呢個價唔會收多你 精選5點什錦刺身HK$ 498 除咗平日會吃開的油甘魚外 (都好新鮮大件+厚切) 油甘魚 供應既唔係普通刺身咁簡單, 會比d特別一點的 金目鯛, 魚皮的紋理很明顥的, 但食落一點都不韌, 也沒魚鱗的, 腥味也沒有 金目鯛 另一款都是很厚身的 深海池魚 刺身全都很肥美, 食2-3片都飽飽地 為免食唔落其他野, 所以大家share會好d 深海池魚 海葡萄, 記得前年去過沖繩第一次試, 一試愛上, 我喜歡咬落脆卜卜的口感, 不過呢度就無咗海水的咸味, 是清淡的味道 海葡萄是一種很健康的食物, 有海洋魚子醬之稱號 不含膽固醇,熱量極低,吃多也不用擔心增加身體負擔,且含有多種不飽和脂肪酸,維生素B2、E與鋅、鈣、鎂、硒、鐵、錳、鈷等微量元素,可補充日常飲食中較缺乏的營養元素,尤其素食主義者更可藉食用海葡萄來補充營養及體力。 爽脆滑溜柔軟如新鮮魚子 海葡萄 黎呢度, 緊係要試下招牌菜啦: 海膽杯 (細) $438 (我地揀左細膽d, 哈哈) 上到檯好似芭菲咁, 一層一層, 個個都爭住"相機食先" 當然入面都係魚生刺生的咸食, 唔係甜架, 賣相已很吸引 仲見到有好多海膽起入面, 面頭都有, 都係大大隻肥美的 人多好辦事, share黎滿足大家既慾望, 因為一個人食完一杯, 相信都飽了~ 海膽杯 - 必食!!!HK$ 438 之前睇過段片, 佢地仲有個大size既海膽杯, 我諗要十人才吃得哂 實物有幾大就唔知啦, 睇下呢張coupon既相作比較啦 海膽杯真材實料, 有已拆的蟹肉, 爆汁魚子, 大量肥美海膽 海膽杯入面有吞拿魚, 海帶, 魚子等新鮮食材 海膽杯 面頭那片脆脆千其唔好錯過呀, 細看之下, 見到好多條魚仔炸成薄脆片 簡單的原來花了很多心思製作! 可看出廚房的用心 雖然是簡簡單單的一片薄脆, 味道都很香口, 佐酒的最佳小食, 不過只得一片仔 生凍野食畢後, 要食番d熱野暖下胃 朋友點了幾款串燒 串燒 影完相都仲熱辣辣. 香噴噴 由於開始飽的關係, 我只試過和牛舌同埋十勝豚肉, 都超好味呀! 加左少少鹽黎一齊燒, 但又失肉本身的原味 串燒 另外師傅自創另一款麻婆豆腐產品: 日本婆豆腐薯條 $168 其實邊食邊看到廚師的即場製作 薯條擺放得像盛開的花朵一樣, 與麻婆豆腐是分開上的 最初我以為是淋在薯條的面頭 分開上的好處就是不會把薯條變得淋身, 而且自己喜歡幾多麻婆豆腐就加幾多 日本婆豆腐薯條HK$ 168 單吃的麻婆豆腐是有點咸, 麻辣的味道會慢慢從舌頭滲出, 不過我很喜歡這個麻煩度, 唔係淨係得個紅色扮辣樣, 如果大家唔係已有8分飽, 都話想加個白飯 薯條當中仲有銀雪魚片, 呢個都好好味呀~ 日本婆豆腐薯條HK$ 168 薯條都唔係簡單的現成炸薯條, 是薯仔切條喎 日本婆豆腐薯條HK$ 168 海膽燒岩蠔 $108/隻 擺出黎個樣一d都唔求其, 杯底有好多鹽墊住2隻蠔 上面又係滿幹我鐘意既脆卜卜蟹子, 中間有醬汁及海膽 (今晚好似同膽固醇做左朋友咁) 海膽燒岩蠔HK$ 108 海膽燒岩蠔 淨係食蠔以上既都覺得好滿足 海膽燒岩蠔 去到呢個moment都飽到上喉嚨, 不過一早落左order的 威化和牛一口漢堡 $138 都要食埋去, 唔好浪費嘛 好彩size真係一口 意外地....係心心形狀, 好sweet 點擊圖片放大 威化和牛一口漢堡HK$ 138 打個心形包包, 入面有一口漢堡, 仲有芝士生菜, 好得意呀! 和牛漢堡肉質軟嫩, 只係外皮的威化唔夠脆, 不過被賣相加番分 威化和牛一口漢堡HK$ 138 食完今餐後, 又要去多幾次GYM 日式生蝦 日式生蝦 日式生蝦 題外話/補充資料 每道菜用杯子裝著是一個特色! 廚師所創造出的菜式都特別, 而且用的食材都是新鮮上盛的靚料, 可能我坐於望到廚房的吧檯位置, 看到他們的用心, 是值得一試! S2 Kitchen 地址: 中環威靈頓街51號地下A舖 電話: 2885 8803 營業時間: 星期一至五: 11:00-15:00; 18:00-02:00 星期六及公眾假期: 13:00-02:00 星期日: 休息 星期日休息 希望你們喜歡我的分享 如有問題, 可留言或電郵給我 issiyyi@gmail.com Add my Instagram: ★http://issiyyi.theztyle.com ★http://beauty.qooza.hk/u/IssiYyi