唔知你地拍拖, 會唔會間中懷念番初相識時去過既地方呢? 我會架!! 好似間中會去番初相識階段既餐廳食飯 果時知男友鐘意食生野 (好似野人 XD) 開飯揀既地方會就下佢去食日本菜 MONSTER SUSHI就係其中一間會常去, 不過銅鑼灣二期已搬到利舞臺了 其實利舞臺大執後, 都知道開左不少食肆, 但男友當然會揀番MONSTER SUSHI啦~ 門面好大, 用上銅金色, 好Grand 是晚7點來到, 暫不人多, 但坐多幾個字後就full左9成 呢度d用具好靚, 好有日本氣息 如果屋企有set就好啦~ 坐下無耐侍應遞上熱茶, 不過要食藥, 要求比多杯室溫水都無黑面, good 期間都有不停為我地加水, 服務一流 望下期間限定有咩食先, 不過男友唔係太啱 望menu期間, 有專員拎住部iPad介紹每日特定既菜式, 多數都係刺身類 不過最後我地都係點番menu上的 呢度落order係自己劃紙仔, 好似出面食放題咁分哂類 以女人精明既角度, 有著數就不要浪費!! 見到menu前面有張"大激賞", 只要like & share佢地facebook就可以用$18換購"雙味特大日本蠔" 仲要每檯最多可換3份 (1個人like & share就得架啦) 著數不能錯過, 但也不貪心, 我地2人都係每人點一份, 真係好抵呢~ 不過留意番, 晚市5.30pm後就可以, 同埋加一係以原價黎計既 雙味, 一隻係忌廉汁, 另一隻就辣辣地, 有d似韓國辣醬 比你睇下隻蠔, 一d都唔細粒架, 而且都幾鮮 今日胃口想食d酸酸味味嘅野 呢個"冷稻庭烏冬配芝麻醬" $36 係我同男友都覺得好好味既推介~ 稻庭烏冬很彈牙QQ, 蟹柳肉都幾多, 面頭金黃色一粒粒果d原來係天婦羅既脆粉 同埋烏冬一齊食, 2個口感, 很match! 男友除咗鐘意食生野之外, 生牛, 鵝肝都喜愛 呢個"鵝肝和牛花之戀" $58 有齊佢2樣最鐘意的食物 我對生牛一般, 所以只吃了一件, 不過我吃那件的牛有點韌, 但男友覺得OK 其餘的都是壽司, 除一般市面上都有嘅壽司外, 有d仲加入矜貴的黑松露, 更提升壽司的味道 三文魚的色澤很鮮, 好似晶瑩剔透咁, 而且有拖尾架 劍魚腩, 油甘魚腩每次都會點的 每件都新鮮肥美 當晚有少少唔舒服, 所以點d熟食 蒜香厚燒牛舌 $36 侍應將牛舌放低後, 都有提點我地小心個鐵板會好熱 其實果一刻, 我只留意個鼻聞到嘅香味 4大片嘅牛舌, 賣相不錯 味道呢? 一咬即分開, 一d都唔韌, 而且牛舌邊煎到有少少脆, 似係由牛油加蒜香的味道, 非常香 不過食得多會有少少漏, 最好叫多一兩個朋友黎share 最後的三文魚西京燒 $58 其實呢兩款熟食都色香味俱全, 魚質滑嫩, 西京汁若減少一點甜味就更perfect! 不過整體黎講, 新店的裝潢, 服務, 味道都很好 地址: 銅鑼灣利舞臺16A舖 訂座電話: 2111 1231 希望你們喜歡我的分享 如有問題, 可留言或電郵給我 issiyyi@gmail.com Add my Instagram: ★http://issiyyi.theztyle.com ★http://beauty.qooza.hk/u/IssiYyi
