男友是食肉獸一名, 雖然不算得經常去"食好嘢" 但間中或特別節日都會揀間好一點的餐廳或朋友推介的來試 自從同佢去過沖繩食過鐵板和牛後, 知佢念念不忘, 他亦說過番黎香港後"無得比" 雖然我不是"食肉主義者", 但我也認同沖繩吃到和牛的確"平靚正" 香港不是沒有, 有的價錢會不便宜! 早前無意間看到J2及網友的好評後, 決定同男友來中環的Metal Steak試試 對於在中環上班的我, 歌賦街唔會唔識去, 其實就係起九記牛腩, 蕃茄麵嘅同一條街 樓高兩層的Metal Steak主力是吃牛, 在開業初期是"立食牛扒屋", 意思是沒有座位, 站立用餐 不過我去的時候已在每檯加上椅子了~ 我覺得這蠻好, 因每人的身高不同嘛 其實一入門口, 就是一個order位置 第一次到來的, 店員會先對它們的肉作介紹 肉方面其實只得6款, 5牛1豬 (豬是新加的) 全部都是上等肉 這裡的肉是以gram(公克)來計算, 至少200g起, 很公道吧! 又無10%服務費 5款牛分別2款佐賀A4和牛, 1款紐西蘭, 2款安格斯 豬得1款, 是西班牙黑毛豬鞍 (十月份有半價優惠!! 超抵抵抵抵...) 它的和牛均由日本JA全農供應, 牛肉由全農所頒發佐賀牛銅牌, 即係品質正宗嘅和牛! 店員憑經驗, 每人大約吃200-300g, 肚子都應該感到滿足 同男友商量過後, 佢一定係食牛, 那我就試試推介的豬鞍吧! 每份都要300g Metal Steak每份可加$30跟餐 (沙律前菜, 餐湯及白飯) 不過我地認為食完肉都飽, 唔想眼寬肚窄做大嘥鬼 飲品都只得幾款, 簡單有簡單的好, 對選擇困難症的人有幫助, 哈哈 order完, 職員精準地用利刀切了大約300g的牛豬肉, 然後把肉上磅 所有過程都很"透明"開揚 磅完立即連重量及價錢的Label 給人客"埋單" 無錯! 我點的豬鞍店員建議3成熟就可以了 什麼?! 我沒聽錯嗎? 豬唔係一定要全熟嘅咩?!! 事因這種西班牙黑毛豬食的飼料以橡果為食糧, 養出來的豬夠純淨無添加 所以不用燒到全熟都可進食, 而且更可將肉汁鎖於內 初時我都有點擔心, 不過我相佢地, 人一世物一世就試下啦 至多幫我清下腸胃啫! 埋單後就立即燒我地塊肉啦~ 當時已流口水ing, 同男友都很期待 望左一陣後, 就搵個位坐先 當晚地下都已有一班人客, 所以"更上一層樓" 噢! 矮餐檯已預留 那坐高檯吧! 檯底有幾個小籃子可以讓客人放包包, 貼心~ 因為是鐵板上, 所以牆上放有圍裙供應給客人 我咁論盡, 第一時間著起先 我不是叫"阿彤"呀 XD 黑毛豬半價好抵食呀! 男友的A4西冷都係$6xx, 至於抵唔抵食就要等待入口一刻啦 每張檯上都放滿餐具及不用的醬汁 其實好吃優質的肉, 可以不加任何調味或少許鹽, 咁先食得出肉本身的鮮味 不過呢度都很貼心, 有齊多款醬料, 如: 忌廉芥末子, 味噌柚子, 自家製的什果黑醋汁, 薄荷啫喱等 來來來, 男友等到口水都差唔多滴上檯 佢塊靚牛黎啦~ wow燒烤紋好靚, 面頭仲有烤過的香蒜片 吃到膩時可吃吃栗米粒及露筍清清口腔 #注意: 燒板是非常的熱, 吃時要小心喔! 3成熟的佐賀A4西冷扒 男友輕易的切開, 同時間不停叫我"喂..你望下" 牛的油脂同肉的分佈得很平衡, 有入口即溶的感覺, 肉汁也很豐富 終於我們尋回在沖繩吃過和牛的味覺來 男友同我都只用鹽來調味, 不會掩蓋牛本身的鮮味 侍應送上的一刻, 男友最初還說"早知點大份一點啦" 誰不知吃到2/3時, 他說店員講得沒錯, 大約300g份量都已滿足 當然我也分了一點黑毛豬給他啦~ 和牛來了不久, 論到我的黑毛豬了~ 賣相都不弱, 同樣也有伴菜 店員將其切開兩份, 究竟3成的豬肉又是怎麼樣呢? 利刀一切而開, 沒有半點韌, 筋也幾乎沒有 我真沒想過, 豬肉也可以不全熟, 經過燒烤外表後, 肉汁鎖在肉的中間 它沒比男友的和牛多油脂, 而且肉質鮮嫩 店員遞上時, 建議配上它們自家製的什果黑醋同吃, 味道酸中帶甜 試過咁多款醬汁, 真的什果黑醋是最配的 其實點了3成熟, 由於鐵板非常熱, 吃到途中豬也變了5成熟, 是剛剛好 放心, 我們吃完也沒有肚痛屙嘔, 不過在別的地方就不要吃未熟的豬啦~ 最近得知十月份, 經Openrice的TableMap訂位, 有獨家優惠: 西班牙黑毛豬鞍 (原價每克$1.2 / 半價每克$0.6) 我真心推介食得過, 而且真心抵食!! 地址: 香港中環歌賦街41號地下 (九記牛腩向前行) 電話: 2338 2828 Facebook: Metal Steak 希望你們喜歡我的分享 如有問題, 可留言或電郵給我 issiyyi@gmail.com Add my Instagram: ★http://issiyyi.theztyle.com ★http://beauty.qooza.hk/u/IssiYyi
