一班朋友食飯, 有時都諗唔到去邊度食, 又或者呢個想食果樣, 果個又想食第二啲 所以通常都會搵"放題"為主的食肆 咁就可以就到哂大家, 尤其女生乜都想試的慾望! 因為通常放題都會包括埋甜品區, yeah! 今次一班8婆仔黎到旺角盛八.....唔係食燒肉喎 而係今年先開既盛八炙鍋日式黑毛和牛放題店 店舖係起女人街入面既一棟商廈, 果棟樓都有好幾間食肆 環境光鮮又乾淨, 第一印象感覺良好 呢隻盛八牛正正企起店舖當眼處welcome大家既光臨, 高過哂我地XD 見到呢隻牛, 就知今次主打是食牛牛呢~ 其實佢有分幾組價格的, 分牛肉的等級來計算 由最優惠的美國牛肉放題 (成人$178, 小童$128); 美國特選牛肉放題 (成人$198, 小童$138); 澳洲貴族和牛放題 (成人$298, 小童$218) 及 日本飛驒和牛放題 (成人$378, 小童$268) 每個放題都會包無限次任點牛牛及特選豚肉, 全部都是限時90分鐘 而湯底呢, 就有6款不同的供應 YO! 入座啦~ 當日時間尚早, 所以暫不多人 環境感覺都好日式, 座位寬敞 雖然主要是食牛牛為主, 但食物區都有很多款可以自助任拎的 多數都係平時打邊爐的配料, 丸類, 粉麵, 蔬菜等 最特別....竟然會有油炸鬼, 試過原來用黎打邊爐是不錯喎 食物區仲有少量冷盤前菜 而醬油區都有好多不同調味隨自己口味去選 女生必食的甜品區呢~ 都是近年大熱的抹茶主題為主 不喜抹茶的....仲有個朱古力噴泉及雪榚區 大家都話想試入口即溶的飛驒牛, 佢既地位比神戶牛及松阪牛仲高 去唔到日本食, 黎盛八試下係咪真係咁正先~ 落完湯底order後, 侍應很快就遞上第一板飛驒牛 望落去感覺好軟身 其實第二板再order時, 個樣唔同既?! 點解既?! 唔通盛八呃我地?! 問過服務員, 原來....第二板是由雪櫃即時拎出黎比我地 牛肉仲處於未溶雪既狀況下, 所以形狀同第一板的完全不同 佢叫我地比少少時間第二板 原來真係喎, 盛八無呃我地呀~ 隨咗可喪食飛驒牛外, 仲可以喪點特選豚肉呢 左邊的便是了, 勁大片呀!!! 一板是4片的, 大過我手掌 任食就緊係拎埋其他配料喇, 唔好淨係食肉咁齋嘛 其實仲有拎過其他野, 不過90分鐘大家都掛住吃同吃, 哈哈 其他配料同外間吃到的沒什特別, 蔬菜是新鮮, 唔會又黃又黑 食物區都較衛生 刺身區 當天我地選了2味湯底 每檯都會放下一大壺的湯底補給的 2款中我較喜歡麥茶壽喜燒, 味道濃一點 終於都水滾啦, 大家第一時間都放左好多食物落鍋 可想大家有多餓呢~ 餓到已不再淑女了XD 牛....記著滾幾秒就可以了 第一片大家都放得久...太韌啦~ 而之後就醒目得多, 幾秒即熟即食, 感覺真係完全唔同哂 無渣無筋又唔韌, 不錯不錯! 牛肉同油脂的比例好好, 我很怕吃超肥的 對比番本地牛或美國牛真係有距離的 而特選豚肉第一片都滾得太久, 又係韌到阿媽都唔認得 90分鐘如果喪吃呢d即熟即食的, 應該會很足夠 牛牛同豚肉都是要order的, 再由服務生送上 呢度唔會要你等你耐, 試過起第二度放題, 落單遲遲還未送上食物, 但時間就每分每秒咁過 呢個就係滾完後的油炸鬼, 其實你當佢係炸魚皮或嚮寧咁, 放一陣就可以了 我鐘意外軟內脆, 又可以吸收湯的味道 大家食放題唔知會唔會好似我咁, 食完熟食再食前菜, 又或者食完甜品又再食番咸食, 哈哈 原來我地一檯有幾個都係咁, 無分次序, 想食乜就食乜 呢個係冷麵+2粒好爽口又大粒既螺肉 冷麵上既醬汁都有好幾款, 我揀左黑芝麻, 其實都幾好食 泡菜都有, 不過一般, 始終唔係食韓國菜嘛 仲有炸物, 魚手指好食, 咖哩角可以放棄, 皮是唔脆的 時間差不多...點飽都要食埋甜品喇 掃.......抹茶!!! (左邊3件是我的) 最下的抹茶泡夫及上左的甜點, 唔知想點, 實屬麻麻 甜品都是迷你裝, 要揀最好吃的是木糠布甸及雪榚吧 感覺有點失望 而家團購正在優惠當中, 如果是吃牛一族, 一定很抵食呀~ 地址: 旺角通菜街1A-J號威達Deli2商業大廈3B室 訂座電話: 2616 0960 營業時間: 中午12時-2am 希望你們喜歡我的分享 如有問題, 可留言或電郵給我 issiyyi@gmail.com Add my Instagram: ★http://issiyyi.theztyle.com ★http://beauty.qooza.hk/u/IssiYyi
