男友不是"港島人", 所以我倆拍拖都很少會聚在港島區 好間唔中過海通常都"有事辦"才會走一趟 對食專一(對愛情仍是個謎)的男友, 每次過銅鑼灣時, 都會話想食BURGEROOM 因為果度可以滿足佢幾個願望! 抵食夾大件, 肉厚大份, 淨係burger都有好多款, 環境舒服.... 星期六的下午時段來到, 都幾full 上次已坐過室內, 今次想試下室外的感覺, 幸好還有2個位 不過怕有煙味的朋友仔, 建議選擇室內啦~ 其實呢度係半自助形式, 一坐下waitress遞上menu (有效率!) 事隔幾個月, 原來有新野喎 Burgeroom隔離街新開的Kiehl's做crossover, 寫開beauty既我, 對Kiehl's一點都不陌生喇 推出2款crossover食物: Kiehl's Classic Burger 入面既餡料都有著Kiehl's產品的元素(菠蘿及青瓜) 另一款crossover小食Kiehl's Thick Fries 除豐富的芝士醬外, 還加入牛油果醬.... 望完呢張menu後已下決定了 行完街, 時間都已3時多, lunch沒吃的關係, 當然是非常餓啦 同男友各自點一個burger (其實share吃一個應該夠了) 但....眼闊肚窄的我倆, 竟然每人再加多款小食及飲品 (吃貨情侶XD) 飲品是點完餐後自取的 然後就會給你一個號碼牌, 乖乖的回座位等候就可以啦 埋單後, 收銀比咗2張換領Kiehl's Sample Coupon我 食完行出去Fashion Walk新開的Kiehl's換番, 好順路呢~ 其實...唔知係每買一樣Kiehl's x Burgeroom的就會送一張 還是任何消費就會有?! 只知道crossover是做到5月14日 由於人多的關係...我沒問下去 大家都好肚餓, 好肚餓! 先來是男友要的"洋蔥圈" (HK$38), 未食已聞到好香 Burgeroom的醬汁都是自助呢~ 熟哂路既男友第一時間就拎左茄汁同芥末醬 洋蔥圈好大個圈.....平時見媽咪煮餸的都無咁大 我係一個好鐘意食香口脆口炸野既人, 雖然對洋蔥麻麻地, 比面都食咗2個大圈 皮脆不算厚, 洋蔥仲有水份, 新鮮熱辣! 但不會吃到滿口油 我點既Kiehl's Thick Fries (HK$60)也來了 面頭勁多溶化了的混醬 (芝士+牛油果) 上面仲有啲煙肉碎, 好"月巴"囉 但餓到已忘記哂d "肥, 脂肪, 高卡"呢d字眼了~ 一次半次...只好食完做番多d運動 雖然用上牛油果, 但感覺不太膩, 味道也給芝士埋沒似的, 粗薯...真的很粗壯!! 終於我的Kiehl's Classic Burger來到.... 吃過了知道它們的Burger是巨, 所以今次已不覺驚喜 不過單看已感到很滿足 飽飽上插著"自由神像"的旗桿 (都是Kiehl's的喔) 看見Burger, 令我諗起以前玩過的"砌Burger game" 先是底飽, 再砌上餡料, 最後加番面頭的飽皮就完成 厚厚漢堡, size同麵包是一樣的 其實Burgeroom的飽不止肉厚咁簡單, 都會為了我地健康著想, 添入蔬菜在其中 蕃茄, 青菜都有, 而Classic Burger更加了厚切的菠蘿片 甜酸吃下肚有減夏日的悶熱感 層次分明 若你想吃得斯文, 當然要用上刀叉喇 對我來說, 一口是沒可能咬到整個burger的直切面一啖 男友的Mega Cheese Burger (HK$105) 都一樣巨大 重點是....外圍的CHEESEEEEEEEEEEEE..... 多到流出來, 多吃芝士的一定會流哂口水 2隻Burger的肉....厚到丫 肉像手打過的Hand made感覺, 會咬到它的纖維及"粗粒"感, 不會過咸, 也有肉味 吃貨情侶吃到7成已打敗了~ 小吃....帶走吧! 不作浪費 最後當然過去新鄰居度換番個sample喇 2枝65ml的沖涼液, 黎緊夏天可能會去沙灘, 啱哂~ Burgeroom 地址: 銅鑼灣Fashion Walk百德新街50-56號地下D舖 電話: 2890 9130 希望你們喜歡我的分享 如有問題, 可留言或電郵給我 issiyyi@gmail.com Add my Instagram: ★http://issiyyi.theztyle.com ★http://beauty.qooza.hk/u/IssiYyi