11月頭的生日飯, 本想試灣仔的"李公館", 可是太趕book唔到 終於第二班朋友同我慶祝時, 預早一星期就book到了 上openrice望過d相, 中菜都做到好有特色, 賣相又唔差, 味道就要自己試過先知 前一日有侍應打黎confirm時, 問使唔使訂埋個"冰鎮咕嚕肉" 見到咁多人讚, 緊係訂埋喇, 不過佢話限定版就無, 無所謂喇! 原始版都一樣啫 一檯5人全部都未試過, 去到飯店都要開番openrice望下有咩推介 本想懶得寫食評, 試過後, 一定要推介 認住呢個招牌呀 當晚點左: 北菇花膠湯 湯是經理問我地要唔要, 話淨番一份 有兩款炖湯, 我地就揀左養顏的北菇花膠湯 其實我外出食飯好少會叫湯, 因為總覺得有味精 不過飲完呢個後, 一改我呢個概念 一份都夠5人分....有餘, 大約仲剩番一碗多d 炖湯真係炖湯, 出黎d湯又清又甜 呢個都不突止 侍應上齊湯後, 湯渣都會畢埋出黎比客人食 嘩....好足料, 瘦肉味勁香 仲有大大隻北菇同幾隻花膠! 花膠後面係無個"仔"字 都幾大隻, 炖到好淋添 第一道菜, 個個都大叫"嘩...好x好味呀" (好朋友就是會直腸直肚的) 食到中途, 侍應想收走呢碟湯渣, 有個朋友立即叫停, 笑死了~ 侍應 蟹粉罐湯手打墨魚丸 雖然個餡唔係太多, 但個口感好好 一粒又大, 上到檯都仲好熱, 要攤一陣先可以放得入口 點擊圖片放大 蟹粉蛋白金苗盞 之前見到有人share, 一定要試試 鐘意食香口脆脆既我, 最基本個米通無淋過 蟹粉好滿好實在, 唔係得丁屎咁少, 成碗上好有罪惡咁 不過美食當前, 已經將"膽固醇"3字忘記得一乾二淨 籠仔糯米蟹飯 糯米飯又係我至愛, 加埋蟹一齊蒸 飯有d蟹既鮮味! 不過可能食到半飽的關係, 感覺有少少漏 美中不足是個飯多左少少油~同埋蟹肉有d黏殼 不過賣相又係好得囉! 睇下隻蟹鉗?! 大到.... 招牌菜: 冰鎮咕嚕肉 好大碟冰, 以為入面既肉唔係太多, 面頭有新鮮既菠蘿同埋桃 不過呢個最好起d冰溶前食, 因為咕嚕肉既表皮係脆, 如果冰溶左就會搞到無乜味同埋淋左 脆脆地既表皮係甜甜地, 外冷內熱, 又無乜肥膏, 健康好多 內裡既肉起碼有十幾件, 其實都幾抵食 芥蘭豬爽肉煲 可能已經食到尾升, 呢個就普普通通, 無乜特別 不過成餐飯點都要點個菜既 完美既一餐飯, 又點少得甜品丫 左邊 焗蓮蓉西米布甸 朋友話起第二間酒樓食過後, 一試難忘 但自己一直未試過, 因為感覺蓮蓉是超甜 但一上檯就超香, 試過幾啖, 好好味喎 另外果碗好似叫 紫薯白玉露 初時以為係一粒粒既好似丸子既物體, 原來是新鮮淮山 對女仕好喎 而口感有d似蕃薯糖水 算是半間私房菜既李公館, 唔係姓李都黎得 埋單都係千多元, 有d食唔哂, 好味又抵食~ 地址: 灣仔軒尼詩道303號華創大廈2樓 (近集成對面) 電話: 2821 3368 希望你們喜歡我的分享 如有問題, 可留言或電郵給我 issiyyi@gmail.com ★http://issiyyi.theztyle.com ★http://beauty.qooza.hk/u/IssiYyi
